İspaniyanın Qranada əyalətində 4,8 bal gücündə zəlzələ baş verib. Təbii fəlakət nəticəsində üç nəfər yüngül xəsarət alıb, ciddi dağıntılar qeydə alınıb.
Modern.az xəbər verir ki, bu barədə “El Pais” nəşri məlumat yayıb.
Bildirilib ki, zəlzələ yerli vaxtla saat 10:30-dan sonra baş verib. Zəlzələnin episentri Qohar bələdiyyəsində, üç gün əvvəl – avqustun 15-də səhər saatlarında 4,8 bal gücündə başqa bir zəlzələnin qeydə alındığı Alhendin bələdiyyəsindən cəmi bir neçə kilometr aralıda yerləşib.
Yeraltı təkanlar Qranada ilə yanaşı, Malaqa, Kordova, Almeriya, Xaen və digər şəhərlərdə də güclü hiss olunub.
Zəlzələdən sonrakı ilk 20 dəqiqə ərzində 4 afterşok qeydə alınıb. Növbəti iki saat ərzində isə daha iki afterşok baş verib.
Hadisə nəticəsində üç nəfərin yüngül xəsarət aldığı, ərazidə ciddi dağıntıların olduğu bildirilir.
