Cəlilabad rayonunun Andreyevka kəndində zəncirvari yol qəzası baş verib. Modern.az saytı xəbər verir ki, “Report”un məlumatına görə, hadisə Ələt-Astara magistral yolunun 133 km-də qeydə alınıb.
Bakı istiqamətində hərəkətdə olan “Naz Lifan” markalı "12-BD-564" dövlət qeydiyyat nişanlı avtomobilin sürücüsü, 49 yaşlı Biləsuvar sakini Mirzə Cəbi oğlu Məmmədov idarəetməni itirərək yolun solunda yerləşən dükanın qarşısındakı 3 avtomobilə çırpılıb.
Qəza nəticəsində hərəkətsiz olan “VAZ-2106” və “VAZ-2107” markalı üç maşın yararsız vəziyyətə düşüb. Xəsarət alan olmayıb. Görüntülər mağazanın müşahidə kameralarına düşüb.
Faktla bağlı araşdırma aparılır.
Modern.az