Arxiv
13 Aprel 2019, 22:19 | DİASPOR
Ukraynada Azərbaycan diaspor təşkilatları güclənir

“Ukraynada ermənilər əvvəldən cinayət aləmində olublar. Onların xisləti belə cinayətkarlıqdır. Ermənilər burada “qabiliyyət”ləri və tanışlıqları hesabına irəli gediblər. Onları irəli çəkən erməni diasporası olmayıb, yalnız fərdi “qabiliyyət”ləri hesabına bu mümkün olub. Onların bir-birilərinə münasibəti də bizim kimi deyil. Bir şeyə əminəm ki, onların hakimiyyətdə təmsil olunmasını diaspora ilə bağlamaq olmaz”.

Bu sözləri Modern az-a Dnepr vilayətində ilk diaspor təşkilatının qurucusu, tarixçi Eldar Tağıyev bildirib.

1955-ci ildə Laçın rayonunda anadan olan Eldar Tağıyev ali təhsilini Azərbaycanda alıb. 1985-ci ildən isə Ukraynada yaşayır. Eldar müəllim Ukraynaya məhz işləmək məqsədilə gəlib.

 

O, Diaspor təşkilatlarının Ukraynada fəaliyyəti barədə danışarkən bildirib ki, bu fəaliyyətə 1988-ci ildən - Qarabağ hadisələrindən sonra başlayıb:

“Sovet mətbuatında hadisələrin gedişatı barədə düzgün məlumat verilmirdi. Ermənilərin mətbuatda adamları çox idi. Hadisələr onların xeyirinə işıqlandırılırdı. Biz isə mərkəzi mətbuatın hadisələrə münasibətini göstərməyə başladıq. O vaxt SSRİ-yə daxil olan digər ölkələrdə olduğu kimi Ukraynada da milli hərəkat başlandı. Bir təşkilat yarandı. Həmin təşkilatın üzvü oldum. Onlar mərkəzi hakimiyyətin mövqeyini deyil, milli mövqeyi göstərən yeganə təşkilat idilər. 1990-cı ilin 20 yanvarından sonra fəaliyyətimiz daha da gücləndi. Çünki hadisəni ictimaiyyətə başqa cür çatdırırdılar. O vaxt Azərbaycanda imtahan verib, Ukraynada təhsil alanlar var idi. Dneprin ali məktəblərində də xeyli belə azərbaycanlı vardı. Bizə əsas köməyi də elə onlar etdilər. Kiyevdə müəyyən canlanma vardı. 

Akademikimiz Nadir Əlişov da burada bir təşkilat yaratdı. Azərbaycanda müharibə gedəndə biz reaksiya verirdik.

Biz Dneprdə “Savalan cəmiyyəti” adlı təşkilat yaratdıq. Uzun müddət sonra səfirliklər yaradıldı, Azərbaycanın bu işə marağı artdı. Müəyyən işlər görülürdü. Azərbaycanlılar Ukraynada məskunlaşanda ilk istiqamətlərdən biri Dnepr olub. Ukraynada “Yusif Vəzir Çəmənzəminli”, Dneprdə “Savalan”, Ukraynada “Millət” adlı ilk Azərbaycan qəzeti çap edildi. Bizdə üç dövrü mətbuat olub: “Savalan”, “Abşeron” və “Odina Azərbaycana”. “Odina Azərbaycana” bugünəcən də hər ay çap olunur. Digərləri isə fəaliyyətini dayandırıb. Dneprdəki məktəb də onun sədrinindir. Neçə ildir ki, fəaliyyətini davam etdirir”.

 

Eldar müəllim Ukraynadakı Azərbaycan məktəblərindən də söz açıb:

“Dnepr dispora üçün böyük bir bina alınmışdı. Hətta 600 nəfərlik akt zalı vardı. Oranı 6-7 nəfər öz gücü ilə almışdı. Sadəcə o vaxt Nazim İbrahimovun səhvi ucbatından o, əsas təşkilat kimi qəbul olunmadı və onlar ruhdan düşdülər. O vaxtkı diaspor sədri müəyyən bir təşkilatı əsas sayır, digərlərinə isə ögey münasibət bəsləyirdi. Onların birləşməsi üçün addım atmırdı. İndiki sədr olmasaydı, Nazim müəllimin ənənəsi indi də davam edəcəkdi. Bu təşkilat onun gücünə birləşdi. Nazim müəllim “parçala, hökm sür” şüari ilə fəaliyyət göstərirdi.

Qısası, o insanlar gedişatdan narazı olub etiraz bildirdilər. Onar da təşkilat yaratdılar. Amma fəaliyyətlərinə qiymət verilməyəndən sonra məcburən buna son qoydular. Təkilatın adı “Dnepr Azərbaycanlılar Liqası” idi.  Onlardan bir nəfər o təşkilatı saxladı. Özü yenidən ayrı ofis aldı. Muzey də, məktəb də hazırda onun içərisindədir.  Burada rəqs dərnəyi, musiqi qrupu fəaliyyət göstərir. Hər sahədə Azərbaycan məktəbi yaradılıb.  Orada 2-3 qrupla məşğul olurlar. Böyük və kiçik qruplar var.  Nə vaxt gəlsəm, görürəm ki, sinifdə yer yoxdur, hər yer dolub. Təxmini 100 nəfər ora qəbul olunub”.

Eldar Tağıyevin sözlərinə görə, Dneprdəki azərbaycanlıların əsas məşğuliyyəti ticarətdir: “Bəziləri restoran biznesi ilə də məşğuldurlar. Dövlət sistemində çalışan həmvətənlərimiz çox azdır. Bizim millətin pula meyli onların dövlət sistemində çalışmasına imkan vermədi. Çünki bu sahədə əməkhaqqı azdır. Bu sahədə irəliləmək müəyyən qədər vaxt alır. Azərbaycanlıların isə buna səbri çatmır. Düşünürlər ki, “bir dükan alım, gedib orada işləyim”.

 

Erməni diasporunun Ukraynada fəaliyyətinə gəlincə isə Eldar müəllim deyir ki, Ukraynada  ermənilər cinayət aləmində olublar: “Onların xisləti belə cinayətkarlıqdır. Ermənilər burada “qabiliyyət”ləri və tanışlıqları hesabına irəli gediblər. Onları irəli çəkən erməni diasporası olmayıb, Yalnız fərdi “qabiliyyət”ləri hesabına... Onların bir-birilərinə münasibəti də bizim kimi deyil. Bir şeyə əminəm ki, onların hakimiyyətdə olmasını diaspora ilə bağlamaq olmaz. Onların öz millətinə əl tutub tutmaması isə ikinci dərəcəli məsələdir. Vəzifədə olanın ermənilik etdiyini deyə bilmərəm. Amma genosid məsələlərində hər zaman öz millətlərinin tərəfindədirlər. 

Biz avantürist millət deyilik. Aramızda elə biri yoxdur ki, səhərdən axşamacan elə irəli getməyə çalışsın. O “qabiliyyət” ermənilərdə var. Amma biz pillə-pilə irəliləyirik. Ziyalılıq səviyyəmiz, hakimiyyətlə əlaqələrimiz qat-qat güclənir. Xalqımızı tanıdıqca bizə hörmətləri artır. Bilirsiz, onlar bizə hörmət etməyə məcburdurlar. Çünki bizi qəbul etməyən, qara camaat hesab edən müəyyən ziyalı qüvvəsi artıq hiss edir ki, qarşısındakı tam formalaşmış insanlardır”.

 

Eldar müəllim qeyd edib ki, diaspor təşkilatlarının ilk yaradıcılarından biri də elə özü olub:

“O təşkilatlar parçalanda ən çox ürəyi ağrıyan mən olmuşam. Amma hər kəslə münasibətimi saxlaya bildim. Hikmət Cavadovun təşkilatı yaranandan sonra onlara xoş münasibətim olub. Hikmət bəyin o regionda səlahiyyətli nümayəndəsi olmuşam. Onlar birləşənə qədər Hikmət bəyin komandasına yaxın olmuşam”.

 

Ukraynada Laçın nisgilinə gəlincə isə o, yaratdığı şirkətdən söz açıb:

“1994-cü ildən burada bir şirkət yaratdım. İndiyəcən də fəaliyət göstərir. Adı “Laçın”dır. Fəaliyyətimi ancaq onunla bağlamışam. Hamı bilir ki, erməni təbliğatına qarşı çıxanlar arasında mənim də öz dəsti-xəttim var. Böyük arxiv sahibiyəm. Ermənilərə qarşı boş deyil, tutarlı, arqumentli mübarizə aparmışam. Feysbukda yazdıqlarımı hətta ermənilərin özləri də inkar edə bilmirlər. Laçın işğal olunandan bugünəcən bütün fəaliyyətim ermənilərlə mübarizə olub.

Övladlarım isə burada doğulub böyümələrinə baxmayaraq, Azərbaycanca mənim kimi danışırlarsa, deməli ölkəmiz üçün lazımlı şəxsiyyətlərdir”.

 

 

BU KATEQORİYADAN OLAN DİGƏR XƏBƏRLƏR
+ Arxiv
50 milyon manatlıq istiqrazlar... 17 İyul 2019, 14:23 Avropa gənclərini Bakıya toplayacaq festivalın ÖZƏLLİKLƏRİ 17 İyul 2019, 14:19 59 vakant vəzifə - 24 namizəd uğur qazanıb 17 İyul 2019, 14:16 Qənirə Paşayeva “AMEA-nın professoru” seçilib 17 İyul 2019, 14:14 Sədərəkdə yumurtadan kütləvi zəhərlənmə - 3 nəfər xəstəxanaya yerləşdirildi 17 İyul 2019, 14:02 Avtomobildə gizlədilən spirtli içkilər və siqaretlər aşkarlandı 17 İyul 2019, 13:24 Piyadanı vurub qaçan sürücü tutuldu 17 İyul 2019, 13:02 Sürücülərin NƏZƏRİNƏ: Bu zolağa girənlər cərimələnəcək 17 İyul 2019, 12:56 Əli Əhmədov BMT rəsmisi ilə DANIŞIQLARDA 17 İyul 2019, 12:56 Sabahın havası - 39 dərəcə isti olacaq 17 İyul 2019, 12:53 Hərbi liseylərə qəbul imtahanının nəticələri açıqlandı 17 İyul 2019, 12:47 Azərbaycanda yeni qurum yaradılır - minlərlə boşanmış qadına çarə ola bilər... 17 İyul 2019, 12:33 Meyvə oğrusu saxlanıldı 17 İyul 2019, 12:27 Azərbaycana ət idxalı ARTIB 17 İyul 2019, 12:23 Ərəb turist Bakıda qadını döyüb? - RƏSMİ AÇIQLAMA 17 İyul 2019, 12:07 Naxçıvandan Bakıya uçan təyyarə quşla toqquşdu 17 İyul 2019, 12:02 Nazir təltif edilmiş əməkdaşlara vəsiqələr və medalları təqdim etdi 17 İyul 2019, 12:01 Şamaxıda qədim məscid aşkarlandı   17 İyul 2019, 11:47 Gürcüstandan “Keşikçidağ mübahisəsi”ni həll etmək üçün maraqlı TƏKLİF 17 İyul 2019, 11:31 AQTA BMT ilə birgə baytarları təlimlərə cəlb edəcək 17 İyul 2019, 11:28 Qənirə Paşayeva fransalı qadınlara Qarabağ həqiqətlərindən DANIŞDI   17 İyul 2019, 11:14 “Keçid balları I və IV qrupda azı 50-70 bal aşağı düşəcək” 17 İyul 2019, 11:08 Rusiya Ermənistan üçün yeni Atom Elektrik Stansiyası inşa edəcək 17 İyul 2019, 11:05 Ötən gün qəzada ölənlərdən biri tələbədir - FOTO 17 İyul 2019, 11:00 İxtisas seçimi edəcək edəcək abituriyentlərin nəzərinə! 17 İyul 2019, 10:49 Xəzəri hasarlayanlar təftiş edilir - 40 min manatadək CƏRİMƏ 17 İyul 2019, 10:47 Arıçılara 4,2 milyon manatdan çox subsidiya veriləcək   17 İyul 2019, 10:46 Şəkidə xəsarət alanların SON DURUMU 17 İyul 2019, 10:45 210 kiloqramlıq inək öldü, ətini satmaq istədi - FOTO 17 İyul 2019, 10:34 Hərbi birlikdə təlim toplantısı keçirildi 17 İyul 2019, 10:21 Kənd Təsərrüfatı İnformasiya Sistemində hüquqi şəxslərin qeydiyyatı başladı 17 İyul 2019, 09:57 Azərbaycana ən çox pul yatıran ölkələr – SİYAHI 17 İyul 2019, 09:53 BMT Goranboyda cinsi zorakılıqla bağlı tədbir keçirdi 17 İyul 2019, 09:52 Yol polisindən təmir və “moyka” məntəqələrinə görə sürücülərə TÖVSİYƏ 17 İyul 2019, 09:47 Əhalinin sayı AÇIQLANDI 17 İyul 2019, 09:46