Arxiv
16 May 2019, 13:42 | AKTUAL
“Təzadlar” yenə də layiq olduğu yerdə - Etibar Əliyevin YAZISI

Etibar Əliyev,
Təhsil eksperti


Mətbuat Şurası “Təzadlar” qəzeti ilə bağlı açıqlama yayıb. Məsələ ondadır ki, qurumun “Reket jurnalistika”ya qarşı mübarizə Komissiyasının və Apellyasiya komissiyasının 1 mart 2019-cu il tarixdə keçirilmiş birgə iclasının rəyinə əsasən “Təzadlar” qəzetinin adı Şuranın “qara siyahı”sına daxil edilib. Edilən şikayətlərə görə. Başqa sözlə, atdığı böhtanlara, şantaj və hədələrə görə.

Bəs Mətbuat Şurası (MŞ) niyə indi açıqlama yayıb? Açıqlamada deyilir ki, qəzet fəaliyyətində dönüş etmək əvəzinə, MŞ-nın İdarə Heyətinin ayrı-ayrı üzvlərinə qarşı şər, böhtan atmağa başlayıb, bununla yanaşı, qurumun digər üzvlərinə “separat danışıqlar” təklif edib, bir növ, ikitirəlik yaratmağa çalışıb.

Azərbaycan ictimaiyyəti yaxşı bilir ki, “Təzadlar” dedikdə əslində illərdir Asif Mərzili adlı birinin “söyüş” vərəqəsi kimi çıxardığı qəzet yada düşür. Adı hər cür qara işlərdə hallanan, adı gələndə gerçək jurnalistlərin dodağının qaçdığı bir adam.

Axı bu Asif Mərzilinin və qəzetinin gerçək fəaliyyətini hamı bilmirmi?

Hakimiyyətin tərəfində olanlar da.

Müxaliflər də.

Bitərəflər də.

Hər kəs bilir və illərdir elə bil hamı bunu normal, sakit qəbul edir.

Görün Mətbuat Şurası öz açıqlamasından nə yazır: “Yanlış, yalan yazmaq, marağı tələb edəndə məsələləri şişirdib əndazədən çıxarmaq, şər və böhtan atmaq, istənilən vasitə ilə şəxsi maraqlarını təmin etməyə çalışmaq Asif Mərzilinin ənənəvi iş üslubudur”.

Hətta Mətbuat Şurası rəsmən etiraf edir ki, Asif Mərzili həmişə belə işləyib, on illərdir. Ona ilkin xəbərdarlıq edilib, ciddi xəbərdarlıq edilib, bilə-bilə ki, barəsində çox sayda şikayət var, Asif Mərzili qara əməllərindən çəkinməyib. 

Və düşüb “qara siyahı”ya. 

Onun əsl yeri buradır, illərdir layiq olduğu yer. 

Bir dəfə adı bu siyahıda olub, amma çıxarılıb, yenə eyni fəaliyyəti davam etdirib.
Bu, jurnalistikaya heç bir bağlılığı olmayan fəaliyyətdir. Həm də jurnalistikanı ləkələyən fəaliyyətdir.

Mətbuat Şurası “Təzadlar”ın fəaliyyətini araşdıranda bəlli olub ki, ölkə vətəndaşlarına və qurumlara qarşı mətbu reketlik bəs etməyib, Asif Mərzili bunu Türkiyənin Azərbaycandakı keçmiş səfirinə qarşı da törədib: “A.Mərzili və rəhbərlik etdiyi “Təzadlar” qəzeti ilə əlaqədar şikayətlər o qədər çoxalıb ki, onları araşdırmaq, təhlil etmək, səhvləri qruplaşdırmaq xeyli vaxt aparır. Təsəvvür edin ki, MŞ-nin Şikayətlər üzrə Komissiyasının son bir il müddətində keçirdiyi bütün iclasların gündəliyində “Təzadlar” qəzetindən şikayətin müzakirəsi yer alıb”.

Mətbuata bağlı bir şəxs kimi onu deyə bilərəm ki, “Təzadlar” qəzeti və bu qəzetin saytı artıq Mətbuat Şurasının nüfuzuna da zərbə vurmağa başlamışdı. Məlum olur ki, mətbuatın üz qarası olan bu qəzetdən olan şikayətlər ölkə üzrə dərc olunan cəmi qəzetlərdən daxil olan şikayətlərin sayından çox imiş. Ölkədə mətbuat azadlığından və senzuranın ləğvindən sui-istifadənin özü qanunlara edilən hörmətsizliyin (ədəbsizliyin) bariz nümunəsidir.

Mətbuat Şurasının bəyanatında deyilir: “Asif Mərziliyə də tövsiyə edilib ki, kampaniya xarakterli yazıları bir həftə müddətində dayandırsın, monitorinq qrupunun mövcud məqalələr üzərində araşdırma aparmasına şərait yaratsın. Baş redaktor bu şərtlə razılaşdığını bildirsə də, həmin günün ertəsi şərtləri pozub. Şura üzvləri ilə “separat danışıq”ında isə etiraf edib ki, həmin məqalələrin sifarişçiləri onların yayımının bir həftəlik dayandırılması ilə razılaşmırlar və bu səbəbdən Şikayətlər üzrə Komissiyanın tövsiyələrini qəbul etməməyə məcburdur. Göründüyü kimi, “Təzadlar” qəzeti üçün “qara siyahı”dan başqa yol qalmır”.


Sonuncu cümləyə fikir verin: “Göründüyü kimi, “Təzadlar” qəzeti üçün “qara siyahı”dan başqa yol qalmır”.

Doğrudur, amma daha doğrusu odur ki, “Təzadlar”ın və Asif Mərzilinin oradan başqa yeri yoxdur. Onların yeri oradır.


P.S. Şantaj, saxtakarlıq, reketçilik artıq Asif Mərzilinin həyat tərzinə çevrilib. Qərəzli yazılarında oxucu sayını süni şəkildə şişirtməklə hədəfə aldığı şəxsləri bu yolla da təhdid etməkdən çəkinmir.

BU KATEQORİYADAN OLAN DİGƏR XƏBƏRLƏR
+ Arxiv
“Instagram”da yenidən problem yaranıb   17 İyul 2019, 00:44 İstanbula rekord sayda turist gəldi 17 İyul 2019, 00:26 Qazaxıstan Ukraynaya görə “Qazpromneft”lə əməkdaşlığı dayandırdı 17 İyul 2019, 00:09 Bu gecə ilin ikinci Ay tutulması olacaq 16 İyul 2019, 23:52 Əflatun Amaşov: “Keşikçidağ gərginliyinin yaranmasında onlar maraqlıdırlar” 16 İyul 2019, 23:43 “Həkimlər elə diaqnoz qoydular ki...” - Flora Kərimova 16 İyul 2019, 23:25 Onlarla ev su altında qaldı 16 İyul 2019, 23:08 Bərdədə iki qadını maşın vurdu 16 İyul 2019, 22:53 Avropa Komissiyasına yeni sədr seçildi 16 İyul 2019, 22:39 Azərbaycana qarşı təxribata əl atanlar cəzalandırıldı 16 İyul 2019, 22:18 Göyçayda gənc qadın özünü kanala atdı 16 İyul 2019, 22:04 “Biz azarkeşlərimizi sevindirmək istəyirik” - Qurban Qurbanov 16 İyul 2019, 21:39 Bakıda gənc oğlan bıçaqlandı 16 İyul 2019, 21:28 Ombudsman boşanmalardan danışdı 16 İyul 2019, 21:12 "Mərhələ adlamaq üçün əlimizdən gələni edəcəyik" - Baş məşqçi 16 İyul 2019, 20:59 Bərdə Müalicə-Diaqnostika Mərkəzində ölüm 16 İyul 2019, 20:43 Diplomatların Bakı müzakirəsi 16 İyul 2019, 20:30 “Dövlət müstəqilliyimizi fədakarlıqla qorumalıyıq” - Əli Nağıyev 16 İyul 2019, 20:17 Beynəlxalq Valyuta Fondunun baş direktoru istefa verdi 16 İyul 2019, 20:01 Quba və Xaçmaza infotur təşkil olunub 16 İyul 2019, 19:50 Bakıda axundu qətlə yetirən şəxsin istintaqı başa çatıb 16 İyul 2019, 19:42 İranda mikroavtobus aşıb, 11 nəfər ölüb 16 İyul 2019, 19:37 Almaniya silahlarının əsas müştərisi Türkiyədir 16 İyul 2019, 19:32 Metronun "Nərimanov" stansiyasında uşaq itib   16 İyul 2019, 19:25 Ələtdə 70 yaşlı kişi nəvəsi ilə birlikdə dənizdə boğularaq ölüb 16 İyul 2019, 19:11 Azərbaycan və Gürcüstan vətəndaşları qızışdırıcı çağırışlara uymamalıdır 16 İyul 2019, 18:54 Şəkidə 2 azyaşlı yol qəzasında yaralandı 16 İyul 2019, 18:45 Serj Sarkisyan Baden-Badendən Yunanıstana getdi 16 İyul 2019, 18:32 Şəkidə turistlərlə bağlı növbəti insident – xəsarət alan yoxdur 16 İyul 2019, 18:19 Gəncədə BMT-nin də iştirakı ilə dinləmə keçirildi 16 İyul 2019, 18:16 Bakıda cərrahi əməliyyat olunan Qusar sakini bir həftə sonra öldü 16 İyul 2019, 18:06 Baş nazir Keşikçidağda törədilən insidentdən danışdı 16 İyul 2019, 17:55 Nigeriyada 10  türkiyəli dənizçi girov götürüldü 16 İyul 2019, 17:30 Məşhur iş adamı Xəzərin sahilini hasarladığına görə cərimələndi 16 İyul 2019, 17:24 Xüsusi qabiliyyət tələb edən ixtisaslara qeydiyyat bu gün başa çatır 16 İyul 2019, 17:20