Arxiv
23 May 2019, 09:33 | HADİSƏ
Deputat, yazıçı, şair, siyasətçi, müğənni, jurnalistin ən çox qorxduğu HADİSƏLƏR

Bizi hər zaman izləyən və həyatımızın ayrılmaz hissəsi halına gəlmiş müxtəlif hisslərə sahibik. Bunlardan bizə bəlkə də ən çox tanış olanı qorxudur. Yer üzündə elə bir insan yoxdur ki, bu hissə sahib olmasın.

Tanınmış  insanların da müəyyən bir qorxuları, həyatda üzləşdiyi hadisələrdən dolayı təlaş anı mütləq olur. Ona görə, “Tərs sual” rubrikasının budəfəki qonaqlarından elə qorxularını soruşduq.


Beləliklə, Modern.az-da budəfəki tərs sualımız: “Həyatda ən çox nədən qorxmusunuz?”

Başlayaq, Xocalıdan olan deputat Elman Məmmədovdan… E. Məmmədovun sözlərinə görə, müharibənin dəhşətlərini öz gözləri ilə görmüş insan üçün bu suala cavab vermək həm asan, həm də çətindir:


“Mən ən çox ermənilər Xocalıya hücum edəndə, o soyqırımı gecəsi qorxmuşam. İnsanlarımızı Xocalıdan çıxara bilməyəcəyimizdən o qədər qorxmuşdum ki. Bilirdim ki, insanlarımızı ermənilərin əlindən qurtarmaq çətin olacaq”.

Tanınmış yazıçı Seyran Səxavət deyir ki, insan bütün ömrünü qorxa-qorxa yaşayır. O, dostu, doğmanı itirməkdən, Qarabağı qoruya bilməməkdən qorxduğunu dilə gətirib:


“Əgər insan qorxursa, qorxunun növü yoxdur. Ya qorxursan, ya da qorxmursan. Bir qorxunu ayırmaq, daha ön planda düşünmək çox çətindir. İnsan necə ki, ömrünün yarısını yatır, eləcə də ömrünün yarısını qorxur, yarısını da qorxmur. Məsələn, insan nəvəsinin qızdırması qalxanda da qorxur, qəfil ildırım çaxanda da qorxur. İcazə verin, səmimi olaraq, sizin sualınıza qeyri-ciddi baxım. Çünki bu, düşünülməmiş sualdır. Dediyim kimi, qorxunu ayırmaq mümkün deyil”.


Xalq şairi Fikrət Qoca isə ən çox nədən qorxduğunu xatırlamaqda çətinlik çəkdi:

“Əslində yadıma gəlmir ki, ən çox nədən qorxmuşam. Bir onu bilirəm, özümü anlayan gündən mənə aydındır ki, bir gün öləcəyəm. İnsan öləcəyini biləndə pis əməllərdən çəkinir. Nankorluq, əclaflıq etmir, harama əl uzatmır. Ona görə də ölüm qorxusu hər zaman insanın başının üzərində olur. Bir gün öləcəyimi bildiyimdən heç nədən qorxmuram”.

Azərbaycan Demokrat Partiyasının sədri Sərdar Cəlaloğlu isə ən qorxduğu məqamı dilə gətirməkdə daha konkret davrandı:


“Mənim ortancıl oğlumun səhhətində problem yaranmışdı. Reanimasiyaya düşmüşdü və vəziyyəti ağır idi. Buna görə, mən özüm də, bütün ailə üzvlərimiz də ciddi qorxu keçirmişdik. Mənim həyatda ən çox qorxduğum hadisə bu idi. O, İngiltərədə yaşayır və oranın vətəndaşıdır. Şükür ki, hazırda hər şey qaydasındadır”.


Əməkdar artist Elza Seyidcahan isə yalanla üzləşməkdən qorxur:

“Kiminsə yalanına tuş gəlmək, şər-böhtanı ilə üzləşmək düzgün insan üçün ən qorxulu məqamdır. Həyatda nə ziyan gətirirsə, ondan qorxmaq lazımdır”.


Tibb üzrə elmlər doktoru, tanınmış həkim Rəşid Mahmudovun isə həyatda ən çox qorxduğu şey ədalətsizliklə üzləşməkdir:

“Kiminsə haqsızlığı insanı yıxar. Bir də ki, torpaqlarımızın düşmən tapdağında qalmağından, ölkəmizin ərazisinin kiçilməsindən qorxuram. Düşünün, Azərbaycan Xalq Cümhuriyyəti dövründə Azərbaycanın ərazisi nə qədər böyük idi. İndi isə fitnəkar qonşularımız torpaqlarımıza göz dikib. Ölkəmizin ərazisinin sərhədlərinin kiçilməsindən çox qorxuram”.

“Azadinform” İnformasiya Agentliyinin rəhbəri Niyaz Niftiyev deyir ki, ən çox qorxduğu hadisəni 1992-ci ildə yaşayıb:

“1992-ci ildə orta məktəbi yenicə bitirib ali məktəbə imtahan vermişdim. O dövrlərdə ölkədə çox qarışıq siyasi proseslər gedirdi, təbii ki, müharibə də bir tərəfdən. Eyni zamanda, tələbə qəbulunda yeni qayda - test sistemi tətbiq olunmuşdu. Belə bir qarışıq situasiyada biz imtahan vermişdik və nəticələri gözləyirdik. Tərs kimi nəticələr də gecikirdi. Dəqiq xatırlamıram, amma o zamanlar xeyli gözlədik. Qorxu altında günlərlə gözlədik. Əlbəttə, sonda nəticələ mənim üçün sevindirci oldu və bir neçə günlük narahatlığıma, bir az da konkretləşdirsək qorxularıma qalib gəldim. Bü günə qədər ən çox qorxduğum hadisə bu olub. Düzdür, sonralar daha kiçik narahatçılıqlarım olub, amma onları qorxu adlandırmazdım”. 

BU KATEQORİYADAN OLAN DİGƏR XƏBƏRLƏR
+ Arxiv
Türkiyə yenidən silkələndi 17 Fevral 2020, 00:36 Erməniyə qalib gələn Azərbaycan güləşçisi medal qazandı 17 Fevral 2020, 00:17 "Ermənilər dünyanın gözü qarşısında özlərini biabır etdilər" - Mübariz  Mənsimov 16 Fevral 2020, 23:53 Gənclər təlimlərə cəlb edildi 16 Fevral 2020, 23:36 Rusiyanın Türkiyədəki səfiri yenə ölümlə HƏDƏLƏNDİ 16 Fevral 2020, 23:18 Şəmkirdə ağır qəzada 3 nəfər öldü 16 Fevral 2020, 23:09 Turist təyyarəsi qəzaya uğradı 16 Fevral 2020, 22:51 AMEA zəlzələ barədə: "Təşviş yaratmağa ehtiyac yoxdur" 16 Fevral 2020, 22:34 Günəşlidə 32 yaşlı qadın bıçaqlandı 16 Fevral 2020, 22:14 Azərbaycanda yenə zəlzələ oldu 16 Fevral 2020, 22:00 “Ekologiya postu” sökülür - VİDEO 16 Fevral 2020, 21:48 Heydər Əliyev prospektində qəza: tıxac yaranıb 16 Fevral 2020, 21:33 "Neftçi" paytaxt derbisində "Keşlə"yə qalib gəldi 16 Fevral 2020, 21:19 Moldovada yaşayan gənc azərbaycanlıların I Forumu keçirilib - FOTO 16 Fevral 2020, 20:57 Rafael Ağayev növbəti qızıl medalını qazandı 16 Fevral 2020, 20:39 Elmar Məmmədyarov Belçikaya getdi 16 Fevral 2020, 20:18 Mətbuat Şurası icazəsiz aksiyada monitorinq aparıb 16 Fevral 2020, 20:04 Şamaxıda zəlzələ oldu 16 Fevral 2020, 17:54 Səbaildə narkotiklərin qanunsuz dövriyyəsi ilə məşğul olan şəxslər saxlanıldı 16 Fevral 2020, 17:51 İmişlidə turşudan zəhərlənən ailənin daha bir üzvü ölüb 16 Fevral 2020, 17:45 Dövlət başçılarının MÜNHEN DEBATI: Erməni mətbuatı Paşinyanı göyərçinə bənzətdi 16 Fevral 2020, 17:38 Azərbaycan və İran arasında turizm sahəsində əməkdaşlıq sazişi imzalanıb 16 Fevral 2020, 17:37 Dövlət qulluğuna qəbul üzrə test imtahanı keçirilib 16 Fevral 2020, 17:30 Tayvanda koronavirusdan ilk ölüm hadisəsi baş verib 16 Fevral 2020, 17:26 Məhərrəm Zülfüqarlı: Seçki şikayətlərinə baxılması üçün 3 gün azdır! 16 Fevral 2020, 17:21 Sınaq və buraxılış imtahanları keçirilib 16 Fevral 2020, 17:03 Bərdədə gənc oğlan dəm qazından zəhərlənərək öldü 16 Fevral 2020, 16:50 Saxlanılan və xəsarət alan olmayıb - BŞBPİ-dən bugünkü aksiya ilə bağlı AÇIQLAMA 16 Fevral 2020, 16:42 YAP-dan MSK-nın qarşısında keçirilən aksiyaya MÜNASİBƏT 16 Fevral 2020, 16:14 Məşhur “Survivor” bu gün başlayır - Yarışmaya ilk dəfə azərbaycanlı da qatılıb 16 Fevral 2020, 16:00 “İsgəndər Həmidov koma vəziyyətindədir” - AÇIQLAMA 16 Fevral 2020, 15:22 Mübariz Qurbanlı: “Məni dolaşdıra bilmədilər” - SÖHBƏT 16 Fevral 2020, 15:11 Azərbaycanlı və ruslar bazarda yer üstündə mübahisə etdi: 3 ölü, 1 yaralı 16 Fevral 2020, 14:52 Bakıda dünya kubokunun qalibi bəlli oldu - Fotolar 16 Fevral 2020, 14:48 İlqar Məmmədov, Ruslan İzzətli saxlanılmayıb - DİN-dən AÇIQLAMA 16 Fevral 2020, 14:10