Arxiv
22 İyul 2019, 17:34 | HADİSƏ
Ən aktiv mətbuat katibləri – Jurnalistlərin RƏYİ

Bu gün milli mətbuatımızın yarandığı gündür. 144-cü yaşını qeyd etdiyimiz Azərbaycan mətbuatı bu müddət ərzində kifayət qədər inkişaf edib, böyük uğurlara imza atıb.

Bəs maraqlıdır, son illərdə mətbuatla aktiv çalışan qurumlar da bu fəaliyyətlərini inkişaf etdirə biliblərmi? Jurnalistlərimizin nəzərində mətbuatla ən yaxşı işləyən mətbuat xidmətləri hansılardır?

 

Modern.az bu barədə keçirdiyi sorğunu təqdim edir:

 

“Report” İnformasiya Agentliyinin iqtisadiyyat yazarı Tural İbadlı sualımızı da sahəsinə uyğun cavablandırıb.

 

“Bu baxımdan öz sahəmdən deyim ki, ən çox Azərbaycan Energetika Nazirliyinin, Vergilər Nazirliyinin, "Azərişıq", "Azərenerji", "Azərsu" ASC-lərin, Dövlət Gömrük Komitəsinin, "Bakı Metropoliteni" QSC-nin və Əmlak Məsələləri üzrə Dövlət Komitəsinin mətbuat xidmətlərinin işini bəyənirəm. Yəni göndərdiyim sorğuların əksəriyyətinə tez bir zamanda cavab ala bilirəm. Bir sıra qurumların isə nəinki rəhbərlərinə, heç mətbuat xidmətlərinə də düşmək olmur”.

 

“Cümhuriyyət” qəzetinin redaktoru Elman Cəfərli mətbuat xidmətlərinin son zamanlar kifayət qədər aktiv olduğunu vurğulayıb. Redaktor mətbuatla ən yaxşı işləyən mətbuat katiblərinin adlarını çəkib:

 

“Dövlət Statistika Komitəsinin İnformasiya və ictimaiyyətlə əlaqələr şöbəsi, Qaçqınların və Məcburi Köçkünlərin işi üzrə Dövlət Komitəsinin mətbuat xidmətinin rəhbəri İbrahim Mirzəyev, Ekologiya və Təbii Sərvətlər Nazirliyi mətbuat xidmətinin rəhbəri İradə İbrahimova, Dövlət Miqarasiya Xidmətinin mətbuat xidmətinin rəhbəri Elnur Kələntərli, Kənd Təsərrüfatı Nazirliyi mətbuat xidmətinin rəhbəri Vüqar Hüseynov, Azərbaycan Respublikası Prezidenti yanında QHT-lərə Dövlət Dəstəyi Şurası mətbuat xidmətinin rəhbəri Elməddin Behbud, Maliyyə Nazirliyi mətbuat xidmətinin rəhbəri Mayis Piriyev və digərlərini mətbuatla aktiv işləyən katiblər sırasında sadalaya bilərəm”.

 

Axar.az saytının müxbiri Turanə Məmmədli deyir ki, mətbuatla yaxşı işləyən mətbuat katibləri şükürlər olsun, çoxdur:

“Məsələn, ən başda Daxili İşlər Nazirliyi mətbuat xidmətinin rəis müavini, polis polkovniki Orxan Mansurzadə gəlir. Daha sonra Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova, Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov, Ədliyyə Nazirliyi Penitensiar Xidmətin İctimaiyyətlə əlaqələr şöbəsinin rəisi Mehman Sadıqov, Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli, Azərsu ASC-nin mətbuat xidmətinin rəhbəri Anar Cəbrayıllı, Azərbaycan Xəzər Dəniz Gəmiçiliyi QSC-nin (AXDG) mətbuat katibi Mehman Mehdiyev də bu siyahını uzada bilər”.

 

“Həftə içi” qəzetinin jurnalisti Tural Turan mətbuatla ən aktiv işləyən mətbuat katibi kimi DOST Agentliyinin sözçüsü Şahin Əliyevin adını çəkib:

 

 "Şahin müəllim uzun illərin təcrübəsidir. Savadlıdır. Yerində olan adamdır. Media arasında fərq qoymur. Göndərilən sualları tez bir zamanda cavablayır. Bundan başqa, Dövlət Gömrük Komitəsinin mətbuat katibi Natiq Axundov da operativ və aktiv mətbuat katibidir. Mözuya və suallara həssaslıqla yanaşan adamdır. Hətta DGK rəsmiləri ilə ən yüksək səviyyədə müsahibələrin, reportajların təşkilini yüksək səviyyədə həyata keçirə bilir”.

 

SalamNews İnformasiya Agentliyinin əməkdaşı Orxan Kərimovun fikrincə isə yaxşı işləyən mətbuat katiblərinin sayı hər dəfə artır:

 

“Bunun da səbəbi onlar öz həmkarına baxıb iş görmələridir. Ümumiyyətlə, isə İradə İbrahimova, Səmayə Məmmədova, Nuridə Allahyarova, Pərvin Məmmədova, Elnur Niftəliyev, Cəsarət Valehov, Vüqar Hüseynov, Yaqut Əliyeva, Aysel Fərziyeva, Tanrıverdi Mustafayev kimi şəxslərin rahat şəkildə adlarını çəkə bilərəm ki, hər zaman jurnalistlərlə yaxşı işləyib, lazım olan məlumatlarla təmin ediblər. Lakin Səhiyyə Nazirliyinin mətbuat katibi Pərviz Əbübəkirov, Qafqaz Müsəlmanları İdarəsinin mətbuat katibi Rəhimə Dadaşova və s. qurumların mətbuat katiblərinin yalnız adları var. Mətbuatla işləməkdə maraqlı deyirlər”.

 

“Üç nöqtə” qəzetinin müxbiri Könül Orucova da son illərdə mətbuat katiblərinin jurnalistlərlə əlaqələrinin yaxşılasmasını qeyd edib. O, bu durumun jurnalistlərin işini xeyli asanlaşdırdığını düşünür:

 

“Ailə Biznesinə Asan Dəstək (ABAD) layihəsinin mətbuat katibi Turanə Qasımova, “Kukla” Teatrının mətbuat katibi Həmidə Rüstəmova ən aktiv mətbuat katiblərindəndir.

Operativ mətbuat katibləri sırasında xüsusilə bankların mətbuat katiblərinin adlarını qeyd etməliyəm. Məsələn, “Xalq bank”ın mətbuat katibinin jurnalistlərlə aktiv çalışır”.

 

“Ayna.az” saytının əməkdaşı Təranə Xudabaxşiyeva düşünür ki, mətbuat katibləri son illər mətbuata açıq olması, aktivliyi ilə seçilirlər:

“Ş

“Əksəriyyəti normal işləməyə başlayıblar. Sorğulara operativ cavab verməklə, özlərini təsdiq etməyə çalışırlar. Bakı Nəqliyyat Agentliyi, ASAN Xidmət, Azərbaycan Avtomobil Yolları Dövlət Agentliyi, “Bakı Metropoliteni” QSC, Gənclər və İdman Nazirliyinin mətbuat katiblərinin fəaliyyətindən xeyli razıyam. Onlar dövlət qurumlarının aktiv mətbuat katibləri kimi adları çəkilməyə layiqdirlər”.

Xudabaxşıyeva özəl müəssisələrin mətbuat xidmətlərində müşahidə olunan aktivliyi yüksək qiymətləndirib:

“Adətən, banklar mətbuata qapalılığı ilə seçilirdi. Son zamanlar isə bu tendensiya dəyişib. AccessBank-ın PR meneceri İlkin Əhmədov, Unibankın İctimaiyyətlə əlaqələr və media şöbəsinin müdiri Sülhiyyə  Şirinova, Beynəlxalq Bankın mətbuat katibi Yadigar Cəfərli, Rabitəbank-ın mətbuat xidmətinin rəhbəri Nərmin Seyidova və s. kifayət qədər öz üzərilərində işləyirlər və mətbuata açıqdırlar. Adını çəkmədiyim, unutduğum mətbuata açıq katiblər də kifayət qədərdir.

Amma bəzi mətbuat katibləri var ki, öz işlərinin mətbuata məlumat vermək olduğunu unudub, jurnalistə ağıl öyrətməyi üstun tuturlar. “Bu elə deyil, siz bunu belə yazın”, “o yazını elə yox, belə yazın”, “bu açıqlamadan sonra filankəsin fikirləri olsun” və s. kimi gülünc məsləhətlər verirlər. Halbuki onların işi jurnalistin sualına cavab verməkdir, bununla yekunlaşır. Mətbuat katibləri belə addım atdıqda qarşılarındakı jurnalistin də aqressiyasına səbəb olurlar, beləliklə, onlarla işləmək daha da çətinləşir. Həmin bəzi mətbuat xidmətləri qarşı tərəflə işləmə mədəniyyətini daha yaxşı öyrənsələr, fəaliyyətlərinə də müsbət təsir edə bilər”.

 

“Şərq” qəzetinin redaktoru Ayyət Əhməd də digər həmkarlarımız kimi mətbuat katibləri ilə bağlı vəziyyətin qənaətbəxş olduğunu vurğulayıb:

 

“Bu məsələ ilə bağlı 5 il əvvəl verdiyim açıqlama ilə bugünkü münasibətimi müqayisə etsəniz bir paradoksla qarşılaşacaqsınız. Mətbuat katibləri də media ilə intensiv, sıx əlaqələr qurmaqda maraqlıdırlar. ASAN Xidmət, DİM, ƏƏSMN, ETSN, DİN, XİN, BNA, Metropoliten QSC, Səhiyyə Nazirliyi, Gənclər və İdman Nazirliyi, DGK, Mədəniyyət Nazirliyi, Təhsil Nazirliyi “Azərenereji ASC” Müdafiə Nazirliyi , Dağlıq Qarabağın Azərbaycanlı İcması, AZMİU, ADU, BDU, BMU, Azərbaycan İlahiyyat İnstitutu və başqa qurumların mətbuat katiblərini misal olaraq göstərə bilərəm. Bu qurumların mətbuat katiblərindən xəbər almaq həmişə mümkün olub. Amma onu da əlavə edim ki, hələ də jurnalistlərdən qaçmaq istəyən mətbuat katibləri var. İnanıram, onlar da özlərində cəsarət tapıb mətbuatın qarşısına çıxacaqlar. Bütün hallarda ümumi fon, mənzərə, palitra xoşagələndir”.

BU KATEQORİYADAN OLAN DİGƏR XƏBƏRLƏR
+ Arxiv
Koronavirus bu şəxsə bir ayda 4 milyard dollar qazandırdı - Foto 2 Aprel 2020, 00:26 Kəlbəcərin işğalının 27 ili tamam olur 2 Aprel 2020, 00:08 Ordumuzun Aprel zəfərindən 4 il ötür 2 Aprel 2020, 00:01 Dünyada koronavirusa yoluxanların sayı milyona çatır 1 Aprel 2020, 23:47 Köçkünlər evdə qalmaq üçün Qarabağa qayıtmalıdırlar - ƏLÖVSƏT AĞALAROVLA #evdəqal SÖHBƏTİ 1 Aprel 2020, 23:35 Bakıda ağır yol qəzası: yaralı var 1 Aprel 2020, 23:17 Fransada daha 509 nəfər koronavirusdan öldü 1 Aprel 2020, 23:02 Koronavirus hava ilə yayıla bilir - VİDEO 1 Aprel 2020, 22:44 Ərdoğanla Putin koronavirusa qarşı mübarizəni müzakirə etdi 1 Aprel 2020, 22:29 UEFA klublara əlavə vaxt verir 1 Aprel 2020, 22:15 Bakı Media Mərkəzinin hazırladığı videoçarx İtaliyada böyük maraqla qarşılanıb 1 Aprel 2020, 22:03 Pandemiya ABŞ-ı bürüyüb - Yoluxanların sayı 200 mini ötdü 1 Aprel 2020, 21:49 Türkiyədə daha 2 148 nəfər koronavirusa yoluxdu 1 Aprel 2020, 21:38 Bu şəxslərə aylıq 250 manat mükafat veriləcək - RƏSMİ 1 Aprel 2020, 21:17 Gəncədə karantin rejimini pozan sakinlər cərimələndi 1 Aprel 2020, 21:03 İtaliyada daha 727 nəfər koronavirusdan ölüb 1 Aprel 2020, 20:48 Dövlət dili normalarını pozanlar bu qədər CƏRİMƏLƏNƏCƏK 1 Aprel 2020, 20:35 100 il əvvəl QARABAĞ necə azad olundu - Xosrov bəy Sultanovu bir daha tanıyaq 1 Aprel 2020, 20:19 Sumqayıtda karantin rejimini pozan yüzə yaxın şəxs cərimələndi 1 Aprel 2020, 20:01 Aqil Abbas haqqı 1 Aprel 2020, 19:56 ÜST-ün Baş direktorundan İlham Əliyevə: Azərbaycan müsbət bir nümunədir 1 Aprel 2020, 19:37 Çempionlar Liqasının yarımçıq qalan oyunları bu ayda başlayacaq 1 Aprel 2020, 19:18 Deputatlar onlayn iclas keçirdilər - FOTO 1 Aprel 2020, 19:06 Gənclərə güzəştli kreditlər veriləcək - Prezident fərman İMZALADI 1 Aprel 2020, 18:42 Millət vəkili pandemiya ilə bağlı veriləcək imtiyaz və güzəştlərdən DANIŞDI 1 Aprel 2020, 18:40 Milli Məclisin daha bir komitəsi onlayn iclas keçirib 1 Aprel 2020, 18:32 Dolların sabaha olan MƏZƏNNƏSİ 1 Aprel 2020, 18:23 Bakıda xüsusi karantin rejimini pozan daha bir obyekt cərimələndi 1 Aprel 2020, 18:23 Ombudsmandan əlillərlə bağlı vacib MÜRACİƏT 1 Aprel 2020, 18:17 “Qoy Uca Tanrı Azərbaycan xalqını qorusun!” - Mehriban Əliyeva 1 Aprel 2020, 18:09 Avrokuboklar və milli çempionatlar iyulda bərpa oluna bilər 1 Aprel 2020, 18:00 Sahibkarlara, məşğulluğun təmin edilməsinə ciddi güzəştlərin tədbiqi nəzərdə tutulub 1 Aprel 2020, 17:55 Deputatdan TƏKLİF: “Karantin dövründə mobil bankomatlar yaradılsın” 1 Aprel 2020, 17:50 Azərbaycanda koronavirusa yoluxan vəzifəli şəxs və oğlu ilə bağlı RƏSMİ AÇIQLAMA 1 Aprel 2020, 17:44 “Karantin rejimində avtomobil qəzalarının sayı xeyli azalıb” - DYP 1 Aprel 2020, 17:39