Arxiv
14 Avqust 2019, 11:56 | PARLAMENT
Hansı deputatlar qurban kəsdi, hansılar kəsmədi? - “Maaşla yaşayan deputatam, seçicilərim də məni yaxşı anlayır”

Azərbaycanda avqustun 12-13-də Qurban bayramı qeyd olundu. İmkanlı şəxslər, niyyət edən insanlar qurban kəsərək, yoxsullara, maddi imkanı aşağı olan şəxslərə qurban əti payladılar.

Deputatlar arasında da qurban kəsənlər, kəsməyənlər olub. Modern.az-ın Milli Məclisin üzvləri arasında keçirdiyi sorğudan məlum olub ki, deputatların böyük əksəriyyəti Qurban bayramında imkansız ailələri sevindiriblər.

Milli Məclisin deputatı Tahir Süleymanov hər il Azərbaycanda Qurban bayramının yüksək səviyyədə keçirildiyini bildirib.

"Mən də bu bayramda imkansız ailələrə, kimsəsizlərə, seçicilərimə qurban kəsib paylayıram. Qurban bayramı bizim müqəddəs bayramımızdır. Bu ayda imkansız bir ailənin ocağında sevincə səbəb olmaq, mənim üçün çox böyük xoşbəxtlikdir". 

 

Parlamentin İctima birliklər və dini qurumlarla iş komitəsinin sədri Siyavuş Novruzov Qurban bayramını yaxşı keçirdiyini qeyd edib. S. Novruzov da qurban kəsib:

“Azərbaycan xalqı öz milli-dini ənənələrinə sadiq qalaraq, bayramı qeyd etdi. Hamı bir-biri ilə bayramlaşdı. İmkanı olan şəxslər qurban kəsib, imkansızlara payladı. Yəni bu, çox nümunəvi bayramdır. Doğrudan da Qurban bayramı hər il Azərbaycanda çox yüksək səviyyədə keçirilir.

Mən özüm də qurban kəsdim. Hər dəfə olduğu kimi, bir qurbanı vaxtilə yaşadığım yataqxanaya, orda yaşayanlara apardım. Yasamalda yerləşən aspirantlar yataqxanasıdır. Mən 1990-98-ci illərdə orda yaşamışam. Artıq neçə illərdir ki, hər Qurban bayramında bir yaxşı qoç kəsirəm və ordakı bütün mənzillərə paylanılır. Orda yaşayanlar məni yaxşı tanıyır. Bundan əlavə, 3 qurbanlıq da kəsdim. İnsanlar var ki, onların imkanlarının olmadığını bilirəm, onların arasında bölüşdürüldü. Yəni mənim tərəfimdən 4 qurbanlıq kəsildi”.

Komitə sədri  qurbanlıq heyvanları aldığı qiyməti də açıqlayıb:

“Qiymət qurbanın çəkisindən asılıdır. Mən çalışdım ki, nisbətən iri heyvan olsun. İriləri təxminən 200 manata oldu. Ətin qiyməti ilə eyni oldu”.

Deputat Eldar Quliyev də qurban kəsib:

“Biz hər il cənab Prezidentin adından qurbanlar kəsib paylayayırıq. Əvvəllər məscidlərdə qurbanlıq paylayırdıq. Sonra gördük ki, qarışıqlıq düşür, ailələrə ev-ev paylamağa başladıq. Qabaqcadan siyahılar tuturuq. Bilgəhdəki, Maştağadakı, Zabratdakı, Nardarandakı ağsaqqallarla danışırıq. Yerdə qalanları isə məscidlərə paylayayırıq. Bu il də ən çox ehtiyacı olan ailələrə qurban əti verilib”. 

Fazil Mustafa da qurban kəsən deputatlar sırasındadır:

“Bu il də qurban kəsdim. Təbii ki, seçicilərimizin hamısına qurbanlıq paylamaq imkanımız yoxdur. Ona görə, maddi imkanı aşağı olan şəxslərə, seçicim olan, yaxud olmayan ailələrə qurbanlıq paylanıldı. Bir neçə qurban kəsildi. Daha çox buna üstünlük verdim”.

Deputat Aqil Abbas bu bayramda da ənənəsinə sadiq qalaraq, iki qurban kəsib:

“Hər il iki qurban kəsirəm, birini öz yaşadığım evin həyətində, digərini isə doğulduğum kənddə kəsirəm. Çox vaxt kənddə iki qurbanlıq kəsirilir, qohumlarım imkanı az olan camaata paylayırlar”.


Fəzail İbrahimli isə bu il qurban kəsməyib:

“İmkansız  seçicilər daim diqqətimizdədir. Amma əgər qurban kəsirsənsə, imkanlı-imkansız söhbəti getmir. Camaat hamısı istəyir ki, qurban payını alsın. Mən gedib qurban kəsib, seçicilərimə paylamamışam. Amma rayon rəhbərliyi səviyyəsində qurban kəsilib, paylanır. Həmkarlarım da bu məsələdə kifayət qədər ciddi addımlar atırlar. Mən isə maaşla yaşayan deputatam, biznesim də yoxdur. Ona görə, seçicilərim də məni yaxşı anlayır”.

Deputat Vahid Əhmədov bildirib ki, Quba rayonunda qurban kəsərək imkansız sakinlərə paylayıb.

Deputat Cavanşir Paşazadə Qurban bayramının birinci gününü rayonda keçirib, elə qurbanını da orada kəsib:

“Qurbanlıq heyvanlar kəsildi, qurban ətləri imkansız ailələrə paylanıldı. Ehtiyacı olana maddi yardımlar da edildi. Allah bizə neçə belə gözəl bayramlar qismət eləsin”.


Zaqataladan seçilmiş deputat Kamilə Əliyeva qurban kəsdiyini söyləyib:

“Atalarımızın ənənəsini davam etdirirəm. Qurbanlarımı kəsib paylamışam. Allah hamının kəsdiyi qurbanları qəbul eləsin”.


Deputat Fəzail Ağamalı da qurban kəsdiyini və qonşular, imkansızlar arasında payladığını vurğulayıb.


Lənkəranlı deputat Rüfət Quliyev də qurban kəsib paylayıb. 

Rafael Cəbrayılov da qurban kəsən deputatlardandır:

“Əlbəttə, qurban kəsdim. Deputat olduğum müddətdə hər il imkansız seçicilərə qurban əti paylanılıb”.

Deputat Cavid Osmanov seçildiyi rayonda qurban kəsərək, imkansız ailələrə paylayıb:

“Bayramda qurbanlıq kəsildi. Seçildiyim Ağdaş rayonunda rayon rəhbərliyi, rayon ictimaiyyəti vahid bir yerdə qurban kəsirlər. Mən də öz qurbanımı orada kəsdim. Şəhid ailələrinə, Qarabağ əlillərinə, kimsəsizlərə, tənha insanlara, maddi imkanı aşağı olan vətəndaşlara qurban əti paylanıldı”.

Milli Məclisin digər üzvü Araz Əlizadə isə həmkarlarından fərqli olaraq, qurban kəsməyib:

“İllərlə Qurban bayramını keçirtməmişik ki, o gün olsun, Şuşada qeyd edək. Ona görə, mən heç vaxt qurban kəsmirəm”.

97 saylı Goranboy-Ağdam-Tərtər seçki dairəsindən Milli Məclisin üzvü  Ağalar Vəliyevin təşəbbüsü ilə qurbanlıqlar kəsilib. Goranboy rayonunundan 410, Tərtər rayonunundan 90 və Ağdam rayonunundan 350, bütövlükdə isə 3 rayon üzrə 850 şəhid, əlil və aztəminatlı ailənin hər birinə millət vəkilinin adından Qurban bayramı münasibətilə təxminən 10 kq civarında bayram sovqatları çatdırılıb.
 

Deputat Elman Nəsirov isə tərəfimizdən yönləndirilən sualı cavablandırmamağı üstün tutdu:

“Mən bu sahədə atılan addımların reklamsız olmasının lehinəyəm”.

BU KATEQORİYADAN OLAN DİGƏR XƏBƏRLƏR
+ Arxiv
Aksiya zamanı 147 nəfər saxlanılıb 17 Noyabr 2019, 00:53 Güclü qara görə məktəblər bağlandı 17 Noyabr 2019, 00:37 Türkiyədə zəlzələ oldu 17 Noyabr 2019, 00:19 Azərbaycan xalqının Dirçəliş Günü - VİDEO 17 Noyabr 2019, 00:00 “Qrupdakı bütün komandalar Azərbaycan yığmasından yaxşıdır” - Nikola Yurçeviç 16 Noyabr 2019, 23:56 Aqşin Yeniseyin vəziyyəti ağırlaşdı - YENİLƏNİB 16 Noyabr 2019, 23:42 Suriyada terror: 10 ölü 16 Noyabr 2019, 23:20 İŞİD-in daha  615 üzvü təslim oldu 16 Noyabr 2019, 23:03 Azərbaycan millisi Uelsə uduzdu 16 Noyabr 2019, 22:51 İranda xalq ayağa qalxdı - FOTOLAR 16 Noyabr 2019, 22:16 İraq İranla sərhədi bağladı 16 Noyabr 2019, 21:23 Gürcüstan parlamentinin qarşısında növbəti aksiya 16 Noyabr 2019, 20:55 Bakıdakı ağır qəzada 4 nəfər yaralandı 16 Noyabr 2019, 20:34 Azərbaycan Uelslə bu heyətlə oynayacaq 16 Noyabr 2019, 20:19 Xədicə İsmayılova "Müsavat" rəhbərliyini istefaya çağırdı 16 Noyabr 2019, 20:01 “Xəyal belə etmədiyim bir yerdəyəm” – Demet Özdemir Bakıda 16 Noyabr 2019, 18:00 Sumqayıtda yolu keçən qadını maşın vurdu 16 Noyabr 2019, 17:59 “Sovet hakimiyyəti başa düşürdü ki, Meydan hərəkatı xalqı müstəqilliyə aparır” - Tapdıq Fərhadoğlu 16 Noyabr 2019, 17:46 Milli Qəhrəmanlara heykəl qoyma ənənəsi davam etdiriləcək? 16 Noyabr 2019, 17:18 Benzin bahalaşdı, İran qarışdı - ölən və yaralananlar var 16 Noyabr 2019, 16:53 İlham Əliyev Latviyalı həmkarına məktub göndərdi 16 Noyabr 2019, 16:45 Məzahir Pənahov: “22 min 529 nəfərin namizədliyi qeydə alınıb” 16 Noyabr 2019, 16:31 Prezident Oman Sultanını təbrik etdi 16 Noyabr 2019, 16:22 BDU kollektivi universitet ərazisinə 650 ağac əkdi 16 Noyabr 2019, 16:07 Zakir Həsənov orduya əmr etdi: təlimlərin sayı artırılsın 16 Noyabr 2019, 15:56 Vilayət Eyvazov İnterpolun yeni rəisini şəxsi heyətə təqdim etdi 16 Noyabr 2019, 15:45 “Azəriqaz” qazanxalara qaz verməyə başladı - iki dövlət qurumu ANLAŞDI 16 Noyabr 2019, 15:33 Göygöldə hadisə yerindən qaçan sürücü tutuldu 16 Noyabr 2019, 15:15 Paytaxt istiliksiz qaldı: “Azəriqaz” “Azəristiliktəchizat”a qaz vermir - PROBLEM 16 Noyabr 2019, 14:51 Leyla Məmmədovadan fermerlərə MÜRACİƏT: “Onlara inanmayın” 16 Noyabr 2019, 14:26 Arpa ilə bədənin TƏMİZLƏNMƏSİ 16 Noyabr 2019, 14:08 Siz hardasınız, XANKƏNDLİLƏR? 16 Noyabr 2019, 13:46 Ərdoğan Atatürkdən sonra Türkiyənin ən böyük lideridir? 16 Noyabr 2019, 13:37  “Azərsu” sədri Mingəçevirdə qəbul keçirdi 16 Noyabr 2019, 13:28 Daha bir jurnalist bələdiyyə seçkilərinə QATILDI 16 Noyabr 2019, 13:27