Arxiv
12 Sentyabr 2019, 12:55 | AKTUAL
Elina Hacıyevanın intihar işinə XİTAM VERİLDİ

İntihar etdiyi bildirilən məktəbli Elina Hacıyevanın ölümü ilə bağlı proses bu gün, sentyabrın 12-də Səbail Rayon Məhkəməsində davam etdirilib.

Amma bir çox jurnalist və ictimaiyyət nümayəndələri prosesə buraxılmayıb.


Modern.az "Azadlıq"a istinadən xəbər verir ki. zərərçəkmiş tərəfin vəkilləri iclasda bir sıra vəsatətlərlə çıxış ediblər. Onların deməsinə görə, ilk vəsatət E.Hacıyevanın oxuduğu məktəbin direktoru Sevinc Abbasova barəsində ev dustaqlığının həbs-qətimkan tədbiri ilə əvəz edilməsiylə bağlı olub. Amma hakim Azər Tağıyev bu vəsatəti təmin etməyib.

Daha bir vəsatətdə isə bu ölüm işiylə bağlı cinayət işinin yenidən ibtidai istintaqa qaytarılması istənilib. Müdafiə tərəfi hesab edir ki, E.Hacıyevanın ölümündə həkim səhvləri də rol oynayıb, amma bu məsələ lazımı şəkildə araşdırılmayıb. «Həkimlər iki fərqli rəy veriblər. İlk rəydə deyilir ki, ağciyərin birində zədələnmə var, ikinci rəydə isə vurğulanır ki, hər iki ağciyər sıradan çıxıb», - onlar qeyd edirlər.


Amma hakim vəkillərin bu vəsatətini də qəbul etməyib.

Daha sonra E.Hacıyevanın valideynləri dəymiş mənəvi zərərə görə həm Təhsil Nazirliyi, həm də S.Abbasovaya qarşı 100 min manatlıq mülki iddia qaldırıblar. Bu vəsatət isə məhkəmənin icraatına qəbul edilib.


Prosesdə E.Hacıyevanın oxuduğu məktəbin direktoru işləmiş S.Abbasovanın da vəsatət qaldırdığı bildirilir. Verilən məlumata görə, o isə özünü təqsirli bilmədiyi üçün barəsində cinayət işinə xitam verilməsini istəyib.


Hakim növbəti məhkəmə prosesini sentyabrın 18-nə təyin edib.


Məhkəmənin hazırlıq iclasında bəlli olub ki, istintaqın gedişində 125-ci maddəyə (özünü öldürmə həddinə çatdırma) artıq xitam verilib. Sadəcə, müdafiə tərəfi bu barədə açıqlama verməyib.


Zərərçəkmiş tərəfin nümayəndəsinin bildirməsinə görə, istintaq Cinayət Məcəlləsinin 143-cü (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə davam etdirilib və yekunlaşdıqdan sonra məhkəməyə göndərilib.


E.Hacıyevanın anası Sevil Hüseynova prosesdən sonra jurnalistlər qarşısında haqqında sosial şəbəkələrdə yazılanlara münasibət bildirib. O deyib ki, bu işdə adı keçən heç kimlə, o cümlədən Səbail rayon İcra Hakimiyyəti başçısının müavini Xalidə Bayramova ilə sövdələşməsi olmayıb.


E.Hacıyevanın intihara cəhdindən sonra X.Bayramovanın da hadisə yerinə çağırıldığı bildirilirdi.

Bakıda 162 saylı məktəbdə oxuyan Elina Hacıyevanın bu il aprelin 4-də özünü üçüncü mərtəbədən atdığı, yaralı vəziyyətdə xəstəxanaya çatdırılsa da, sonradan (aprelin 6-da) vəfat etdiyi bildirilmişdi.

Hadisə ilə bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. Şagirdin intihar etdiyi bildirilir və buna səbəb kimi məktəbdə ona pis münasibət bəsləndiyi qeyd olunur.


E.Hacıyevanın təhsil aldığı 162 saylı məktəbin direktoru S.Abbasovanın, direktor müavini Lalə Məhərrəmovanın, sinif rəhbəri Çimnaz Mehdiyevanın və həmin təhsil müəssisəsinin psixoloqu Könül Ağayevanın işdən çıxarıldığı açıqlanıb.


«Məktəbin direktoru Sevinc Abbasova Cinayət Məcəlləsinin 143 (təhlükədə qoyma) və 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunmuş və məhkəmənin qərarı ilə barəsində ev dustaqlığı qətimkan tədbiri seçilib»,- Baş Prokurorluğun açıqlamasında belə yazılıb.


İttiham sübuta yetirilərsə, məktəb direktoruna 5 ilədək həbs cəzası verilə bilər. Amma məktəb direktoru hadisədən az sonra mediaya açıqlamasında bu məsələdə özünün təqsirsizliyini bildirmişdi.

BU KATEQORİYADAN OLAN DİGƏR XƏBƏRLƏR
+ Arxiv
Ecevitin həyat yoldaşı vəfat etdi 18 Yanvar 2020, 00:48 Bakıda qayınana kürəkənini döyüb 18 Yanvar 2020, 00:32 Dünyanın ən kiçik adamı vəfat etdi 18 Yanvar 2020, 00:18 Türkiyə 4 terrorçunu Almaniyaya deportasiya etdi 17 Yanvar 2020, 23:58 Qənirə Paşayeva seçicilərlə görüşdü - FOTO 17 Yanvar 2020, 23:34 Uşaqlı analar gediş haqqı ödəməyəcək 17 Yanvar 2020, 23:16 Növbəti qlobal böhran gözlənilir 17 Yanvar 2020, 22:58 Prezident Baş nazirin istefasını qəbul etmədi 17 Yanvar 2020, 22:36 Suriyada 50 silahlı zərərsizləşdirilib 17 Yanvar 2020, 22:18 Qeydiyyata cəlb olunan mənzillərin sayı açıqlandı 17 Yanvar 2020, 22:18 “Güclü Millət - Qüdrətli Dövlət yolunda sizin səsiniz!” – Musa Qasımlı 17 Yanvar 2020, 21:59 Vüqar Bayramov seçicilərlə ilk görüşünü Sumqayıtda keçirdi - FOTOLAR 17 Yanvar 2020, 21:46 ABŞ-dan İrana yeni sanksiya - SƏBƏB 17 Yanvar 2020, 21:29 DYP polisin rüşvət alması videogörüntüsünə münasibət bildirdi 17 Yanvar 2020, 21:16 Jurnalistlərin gəlirləri artıb: JuHİ hesabatını açıqladı 17 Yanvar 2020, 20:58 Əhliman Əmiraslanov seçki kampaniyasına başladı - FOTOLAR 17 Yanvar 2020, 20:42 Alman əsgərin 1943-cü ildə arvadına yazdığı məktub tapıldı 17 Yanvar 2020, 20:21 "Keşlə" Almaniya klubuna məğlub olub 17 Yanvar 2020, 20:04 Qonşudan qaçırdığı maşınıyla qəza törətdi 17 Yanvar 2020, 20:02 Ceyhun Bayramovdan yeni TƏYİNAT 17 Yanvar 2020, 19:53 İcra başçısı “Sovetski” sakinləri ilə görüşdü 17 Yanvar 2020, 19:44 Azay Quliyevlə ilk görüşdə böyük izdiham yaşandı - FOTO 17 Yanvar 2020, 19:35 “Azərişıq” yeni işçiləri onlayn yoxlayacaq 17 Yanvar 2020, 19:26 Fəzail Ağamalı seçicilərlə görüşlərinə start verdi - FOTO 17 Yanvar 2020, 19:17 Bakı Ali Neft Məktəbində anım mərasimi keçirilib - FOTO 17 Yanvar 2020, 19:08 “Qan yaddaşımız” adlı əbədi-bədii kompozisiya təqdim edilib - FOTO 17 Yanvar 2020, 19:00 İnformatika müəllimləri üçün təlim keçirilib 17 Yanvar 2020, 18:51 Putin özünə yeni köməkçi təyin edi 17 Yanvar 2020, 18:43 Deputatlığa namizədliyin qeydə alınması prosesi başa çatdı 17 Yanvar 2020, 18:35 Ramiz Mehdiyev Ziya Məmmədovun qardaşına yüksək VƏZİFƏ VERDİ 17 Yanvar 2020, 18:28 BMT Dilqəm Əsgərov və Şahbaz Quliyevlə bağlı sənəd dərc etdi 17 Yanvar 2020, 18:23 Mədəniyyət naziri və nazir müavinləri bölgələrdə vətəndaşları qəbul edəcək 17 Yanvar 2020, 18:18 Dövlət Komitəsində faciənin 30-cu ildönümü qeyd olunub - FOTO 17 Yanvar 2020, 18:11 Rafiq Hüseynlinin qızı AzTV-də aparıcılıq edəcək 17 Yanvar 2020, 18:06 Musa Quliyev ilk görüşünü könüllü gənclərlə keçirib - FOTO 17 Yanvar 2020, 18:00
SORĞU Yeni parlamentdə kimlər olsun?