Arxiv
30 Oktyabr 2019, 17:04 | ANALİTİKA
Dini liderlərin Bakı sammitinin verəcəyi “Qarabağ” MESAJI 

Bu günlərdə Bakıda öz işini başa çatdırmış  Qoşulmama Hərəkatının XVIII Zirvə Görüşü ölkəmizin evsahibliyi etdiyi növbəti beynəlxalq tədbir oldu.


60-a yaxın ölkənin dövlət və hökumət başçısının iştirak etdiyi Zirvə Görüşündə 4 yekun sənəd imzalandı. Bu sənədlərdə əks olunmuş bir vacib məqam Azərbaycanın daha bir sahədə əldə etdiyi uğurun təsdiqi oldu.  Sammitin sənədlərində əks olunmuş  həmin məqamı  gələn ay Azərbaycanda keçiriləcək digər mühüm bir  zirvə görüşünə aparan körpü saymaq olar. 


Qoşulmama Hərəkatının sammitində iştirak edən  dövlət və hökumət başçıları imzaladıqları Yekun sənəddə Azərbaycan Respublikası tərəfindən 2008-ci ildə mədəniyyətlərarası dialoqun təşviqi üçün mühüm qlobal platforma qismində irəli sürülmüş “Bakı Prosesi” kimi milli, regional və qlobal təşəbbüslərin sivilizasiyalar arasında səmərəli dialoqun qurulmasına töhfəsini qiymətləndirdilər.

Sivilizasiyalar arasında dialoq platforması Bakının öz siyasətində prioritet verdiyi ən vacib amildir.  Gələn ay – noyabrda Azərbaycanda keçiriləcək Din xadimlərinin Bakı Sammiti  bu baxımdan özündən əvvəl keçirilmiş  Zirvə görüşünün məqsədlərini özündə əks etdirəcək mötəbər bir toplantı olacaq.


Əhəmiyyətinə görə, Qoşulmama Hərəkatının toplantısından geri qalmayacaq bu Sammit  birincidən fərqli olaraq, daha böyük arealı əhatə edəcək. Bakıya Avropa da daxil olmaqla bütün qitələri təmsil edəcək nufuzlu ruhanilər gələcək.


Verilən məlumatlara görə, dini liderlərin Bakı Sammitinə dəvət ediləcək şəxslərin böyük bir siyahısı hazırlanıb.


Ruhani liderlərin Bakı sammiti bir sıra parametrlərinə görə, unikal bir toplantıdır.  Dünyada dini şüarları siyasi “külüngə” çevirən qüvvələrin cövlan etdiyi bir vaxtda məbəd xadimlərinin Azərbaycanda toplaşması ölkəmizin bəyan etdiyi tolerantlıq siyasətinə etimadın nümayişi saymaq olar.  


Bakı zirvə görüşü nə ilə mühümdür?


İlk olaraq onu vurğulamaq olar ki,  bu tədbir Azərbaycan Prezidenti İlham Əliyevin yürütdüyü və dünyada təbliğ etdiyi tolerantlıq və birgəyaşayış prinsiplərinin əyani şahidliyinə imkan yaradacaq. Müxtəlif səmavi dinləri təmsil edən ruhani rəhbərlər çoxkonfessiyalı Azərbaycanda dövlətin apardığı dini siyasəti yaxından izləyəcək, din-dövlət münasibətlərində qurulmuş əməkdaşlıq modeli ilə tanış olacaqlar. Sammit növbəti dəfə Azərbyacanın dini siyasətinin miqyaslı təqdimatına bir fürsət olacaq.


Prezident İlham Əliyevin apardığı bu kurs Azərbaycanda Qafqaz Müsəlmanları İdarəsinin fəal dəstəyi ilə artıq bir neçə ildir ki, ardıcıl şəkildə müxtəlif beynəlxalq tədbirlər çərçivəsində təqdim olunur.  Şeyxulislam Allahşükür Paşazadənin təşkliatçılığı il ötən il İspaniya, Almaniya, Avstiryada keçirilmiş beynəlxalq konfranslar ölkəmizin bəyan etdiyi bu prinsiplərin təbliğində əhəmiyyətli rolunu oynayıb və dövlətin bununla bağlı işlərini tanıda bilib.


Bakı sammiti isə qonaqlara “evdə” vəziyyətlə tanış olmaq imkanı yaradacaq. Yüzlərlə dini rəhbərin və ictimai xadimin qatılacağı bu sammit  Azərbaycanın regionun sabit və təhlükəsiz ölkəsi olduğuna şahidlik edəcək. Bu, həmçinin dövlətimizin modern ölkə olaraq Avropaya inteqrasiyasının nümayişi baxımından vacib məqamdır.   


Daha mühüm amil  Sammitdə ölkəmizin üzləşdiyi ağrılı problem - Qarabağ münaqişəsinin gündəliyə çıxarılması olacaq.


Bu gün ruhani sözü dünyada münaqişələrin həlli prosesində eşidilir. Nufuzlu din xadimlərinin qanlı davalara, səbəbsiz insan itkilərinə ürəkağrısı ilə etirazı və onların həllində iştirakı bugünkü siyasi müstəvinin ön cizgilərindən biridir. Siyasi mübahisələri, ərazi iddialarını körükləyən münaqişləri dini səbəbə bağlamaq istəyən qüvvələrə qarşı humanist cəbhənin dayanması günün vacib çağırışlarına çevrilib.


Ölkəmiz də zamanında Qarabağ probelmini ərazi yox, “dini mahiyyət” daşıması barədə erməni siyasətçilərinin sərsəm iddiaları ilə üz-üzə qalıb. QMİ-nin bu sahədə apardığı ardıcıl iş münaqişənin heç bir dini motiv daşımadığını dünyaya subut
edə bildi.


QMİ-nin qatıldığı bütün tədbirlərdə Qarabağ qırmızı xətlə keçib.


Bakı Sammiti də burada istisna təşkil etməyəcək. Bütün dünyadan - Vatikandan tutmuş Müqəddəs İslam ocağının yerləşdiyi ölkələrədək Bakıya gələcək nufuzlu ruhanilər birgəyaşayışın mesajlarını verəcək və münaqişəyə dini çalar vermək istəyən qüvvələri lənətləyəcəklər. Bu baxımdan belə mötəbər toplantıda Qarabağ münaqişəsi ilə bağlı sülh çağırışını eşitməməzilyə vurmaq çətin olacaq.  


Nəzərə alsaq ki, sammitə Qoşulmama Hərəkatının üzv dövlətlərinin etiqad etdiyi dinləri təmsil edəcək xadimlər də gələcək, o zaman zirvə görüşünün Bəyanatları  Qoşulmama Hərəkatının qəbul etdiyi Yekun sənədinin çağırışları ilə də üst-üstə düşəcək. Bu isə  ölkəmizin mövqeyini daha da möhkəmləndirəcək.


Qoşulmama Hərəkatının sammitinin gündəliyi daha çox siyasi-iqtisadi yük daşıyırdısa, ruhanilərin Bakı zirvə görüşündə ağırlıq daha çox humanitar məsələlərin üzərinə düşəcək. Səmavi dinlərin nümayəndələri Ermənistanın işğal etdiyi torpaqlarımızda din və mədəniyyət abidələrinə qarşı törətdiyi vandalizmin şahidi olacaq, əsir və girovlar din xadimlərinin diqqətinə çatdırılacaq.  


Odur ki, dini liderlərin Bakı Sammitinin  uğurlu nəticələrlə yadda qalacağına ümid etmək olar.


Sammitdə “Qarabağ üçün sülh” çağırışları Azərbaycanın ərazi bütövlüyünün bir daha təsdiqi və münaqişənin həlli üçün iradəsinin nümayişinə çevriləcək.


Xanlar Muradov

BU KATEQORİYADAN OLAN DİGƏR XƏBƏRLƏR
+ Arxiv
Kəlbəcərin işğalının 27 ili tamam olur 2 Aprel 2020, 00:08 Ordumuzun Aprel zəfərindən 4 il ötür 2 Aprel 2020, 00:01 Dünyada koronavirusa yoluxanların sayı milyona çatır 1 Aprel 2020, 23:47 Köçkünlər evdə qalmaq üçün Qarabağa qayıtmalıdırlar - ƏLÖVSƏT AĞALAROVLA #evdəqal SÖHBƏTİ 1 Aprel 2020, 23:35 Bakıda ağır yol qəzası: yaralı var 1 Aprel 2020, 23:17 Fransada daha 509 nəfər koronavirusdan öldü 1 Aprel 2020, 23:02 Koronavirus hava ilə yayıla bilir - VİDEO 1 Aprel 2020, 22:44 Ərdoğanla Putin koronavirusa qarşı mübarizəni müzakirə etdi 1 Aprel 2020, 22:29 UEFA klublara əlavə vaxt verir 1 Aprel 2020, 22:15 Bakı Media Mərkəzinin hazırladığı videoçarx İtaliyada böyük maraqla qarşılanıb 1 Aprel 2020, 22:03 Pandemiya ABŞ-ı bürüyüb - Yoluxanların sayı 200 mini ötdü 1 Aprel 2020, 21:49 Türkiyədə daha 2 148 nəfər koronavirusa yoluxdu 1 Aprel 2020, 21:38 Bu şəxslərə aylıq 250 manat mükafat veriləcək - RƏSMİ 1 Aprel 2020, 21:17 Gəncədə karantin rejimini pozan sakinlər cərimələndi 1 Aprel 2020, 21:03 İtaliyada daha 727 nəfər koronavirusdan ölüb 1 Aprel 2020, 20:48 Dövlət dili normalarını pozanlar bu qədər CƏRİMƏLƏNƏCƏK 1 Aprel 2020, 20:35 100 il əvvəl QARABAĞ necə azad olundu - Xosrov bəy Sultanovu bir daha tanıyaq 1 Aprel 2020, 20:19 Sumqayıtda karantin rejimini pozan yüzə yaxın şəxs cərimələndi 1 Aprel 2020, 20:01 Aqil Abbas haqqı 1 Aprel 2020, 19:56 ÜST-ün Baş direktorundan İlham Əliyevə: Azərbaycan müsbət bir nümunədir 1 Aprel 2020, 19:37 Çempionlar Liqasının yarımçıq qalan oyunları bu ayda başlayacaq 1 Aprel 2020, 19:18 Deputatlar onlayn iclas keçirdilər - FOTO 1 Aprel 2020, 19:06 Gənclərə güzəştli kreditlər veriləcək - Prezident fərman İMZALADI 1 Aprel 2020, 18:42 Millət vəkili pandemiya ilə bağlı veriləcək imtiyaz və güzəştlərdən DANIŞDI 1 Aprel 2020, 18:40 Milli Məclisin daha bir komitəsi onlayn iclas keçirib 1 Aprel 2020, 18:32 Dolların sabaha olan MƏZƏNNƏSİ 1 Aprel 2020, 18:23 Bakıda xüsusi karantin rejimini pozan daha bir obyekt cərimələndi 1 Aprel 2020, 18:23 Ombudsmandan əlillərlə bağlı vacib MÜRACİƏT 1 Aprel 2020, 18:17 “Qoy Uca Tanrı Azərbaycan xalqını qorusun!” - Mehriban Əliyeva 1 Aprel 2020, 18:09 Avrokuboklar və milli çempionatlar iyulda bərpa oluna bilər 1 Aprel 2020, 18:00 Sahibkarlara, məşğulluğun təmin edilməsinə ciddi güzəştlərin tədbiqi nəzərdə tutulub 1 Aprel 2020, 17:55 Deputatdan TƏKLİF: “Karantin dövründə mobil bankomatlar yaradılsın” 1 Aprel 2020, 17:50 Azərbaycanda koronavirusa yoluxan vəzifəli şəxs və oğlu ilə bağlı RƏSMİ AÇIQLAMA 1 Aprel 2020, 17:44 “Karantin rejimində avtomobil qəzalarının sayı xeyli azalıb” - DYP 1 Aprel 2020, 17:39 İran səfirliyi bəyanat yaydı:ABŞ-ın sanksiyaları ölkəmizi çətin vəziyyətə salıb” 1 Aprel 2020, 17:32