Arxiv
24 Yanvar 2020, 17:24 | ƏDƏBİYYAT
Yazarlar Anarın namizədliyinə qarşı: “82 yaşında da gözü vəzifədən doymur”

“Azərbaycan Yazıçılar Birliyinin (AYB) sədrliyinə yenidən namizədliyimi irəli sürməyi düşünürəm".

 

Modern.az-ın məlumatına görə, bunu jurnalistlərə açıqlamasında AYB sədri Anar Rzayev deyib. Maraqlıdır görəsən, AYB-nin sədrinin yenidən namizədliyini irəli sürməsini yazıçılar necə qiymətləndirirlər?

 

Məsələ ilə bağlı yazıçı Əkrəm Əylisli saytımıza bunları söyləyib:

 

“Mən hər dəfə onlar haqqında bir söz söyləyəndə, nədənsə xəstəhal qarşılanır. Açıq danışaq, mən bu işə qarışmasam daha məqsədəuyğun olardı. Hesab edirəm ki, dəyişiklik olsa daha yaxşı olar. Hətta su da uzun müddət bir yerdə qalanda, artıq öz  keyfiyyətini itirir. Çox istərdim ki, təzələnmə prosesi tez-tez olsun. Hökm deyil ki, qoca getsin yerinə cavan gəlsin. Çünki indiki cavanların elə yazılarını oxuyuram ki, mənə qoca təsiri bağışlayır. Yəni cavanlıq təzəliyini orada hiss etmirəm. Hər bir sahədə yeniliklər mütləq olmalıdır”.

 

Yazıçı bu məsələni öz povesti ilə müqayisə edib.

 

“Mənim 1970-ci illərdə yazılmış bir povestim var idi. Povestdə qəhrəmanın dilindən belə bir söz söylənilir, fəsillər mütləq dəyişməlidir, dəyişməsə olmaz. Yəqin Anar müəllim hesab edir ki, çox böyük işlər görür. Ona görə yenə də vəzifədə qalmaq istəyir” -  deyən  Əkrəm Əylisli hesab edir ki, vəzifədə olan adam, uzun müddətli öz işində qalmır:

“Yəni işini görür və könüllü şəkildə ordan uzaqlaşır. İşini görən adam, beş il ərzində gərək işini bitirsin və getsin. Mənim əqidəmə görə 30 il bir işdə işləmək və yenidən namizədliyini irəli sürmək, sağlam bir düşüncədən xəbər vermir. Bu hərəkət onu göstərir ki, yəqin bu 30 ildə Azərbaycanda Yazıçılar Birliyində bir adam yetişmədi. Anar Rzayev yenidən namizədliyini irəli sürmək istəyir. Bunu da fakt kimi qəbul etdirmək çox acınacaqlı  bir vəziyyətdən xəbər verir”.

 

Əkrəm Əylisli AYB-nin onun üçün yadlaşdığını da bildirib.

 

“İnanın ki,  Azərbaycan Yazıçılar Birliyi mənə o qədər yadlaşıb ki, nəinki işlərinə qarışmaq, heç danışmaq belə ürəyim gəlmir. Bilirsiniz ki, vaxtilə mən ora çox bağlı bir adam olmuşam. Ancaq indi ürəyim tamam ordan uzaqlaşıb. Ona görə ki, mənim sözlərimi təhrif edərək, insanlara göstərəcəklər. Əslində sovet dövründə də təhrif ediblər, ancaq indiki kimi olmayıb. Guya ki, mən vəzifə tutmaq istəyirəm, nə bilim bu kimi gülməli şeylər söyləyirlər. Vallah elə sözlər söyləyirlər ki, özüm də məəttəl qalıram. Bax bu səbəbdən söz demək istəmirəm ki, mənim sözümə belə cavab vermirlər. Mən nə qədər Azərbaycan Yazıçılar Birliyi haqqında söz demişəmsə, ona qarşı adekvat bir söz söylənilməyib. Hətta bu yaxınlarda söylədim ki, 30 il bir vəzifədə oturmaq, sadəcə mənəvi bir yoxsulluqdur. Onlar belə fikir bildirdilər ki, Əkrəm Əylislinin mənəvi yoxsulluğu hər kəsə məlumdur. Bu kimi şeylər məni çox sarsıdır, ona görə ki, bir vaxtlar orada oturanlar mənimlə həmfikir olublar. Anar vəzifəyə gəlincə bütün fikirlərini mənimlə bölüşüb. İndi nooldu, vəzifəyə gəldin deyə fikirlərin haçalandı? Bildirmək istəyirəm ki, Azərbaycan Yazıçılar Birliyi yenilənməlidir“, - deyə yazıçı qeyd edib.

Prezident təqaüdçüsü, Azərbaycan Yazıçılar Birliyinin Gənclər Şurasının üzvü, şair Tural Turan hesab edir ki, bu sadəcə bir diktatorluqdur:

 

“Atalar sözü var, utanmasan oynamağa nə var ki? Adam vəzifə hərisidir. 82 yaşında da gözü vəzifədən doymur. Namizədliyini irəli sürmək haqqıdır. Amma 33 il bir quruma sədr olmaq diktatorluqdur. AYB artıq ədəbi proseslərə nəzarəti itirib. Anar da gəncləri tanımır. AYB-nin hazırkı idarə heyətinin orta statistik yaşı 70+dur. Bu o deməkdir ki, Anar özündən sonrakıları sadəcə olaraq "məhv" edib. Sözünü, fikrini əlindən alıb, manqurtlaşdırıb. Hətta seçkilərə belə Muqabe kimi alternativsiz gedir. Bir sözlə, Anar AYB-ni şəxsi ofisinə çevirib. Çevrəsində də yaltaqlardan ibarət "huri-qılman ordusu". Görək hara kimi gedəcək”.

 

“525-ci qəzet”in baş redaktoru, Azərbaycan Yazıçılar Birliyinin katibi Rəşad Məcid isə bu addımı yüksək qiymətləndirdiyini vurğulayıb:

 

“Çox yaxşı qiymətləndirirəm. Hətta müsahibələrimin birində də söyləmişəm ki, Anar müəllim öz namizədliyini yenidən irəli sürəcək. İnşallah ki, qurultay da olar və Anar müəllim yenidən sədr seçilər”.

BU KATEQORİYADAN OLAN DİGƏR XƏBƏRLƏR
+ Arxiv
Kasilyas idmançı karyerasını bitirdi 20 Fevral 2020, 00:46 Ukraynadan Donbasla bağlı açıqlama 20 Fevral 2020, 00:27 Dünyanın ən çox hərbiləşdirilmiş ölkələri: Azərbaycan 10-cu yerdədir 20 Fevral 2020, 00:13 Batan  miqrant qayığında 14 nəfər öldü 19 Fevral 2020, 23:54 ABŞ-da gənc reper qətlə yetirildi 19 Fevral 2020, 23:38 Paşinyan yenə Qarabağa gəlir 19 Fevral 2020, 23:29 Gəncədə reyd zamanı 160-dan artıq sürücü cərimələndi 19 Fevral 2020, 23:14 Qızılın qiyməti 7 illik rekordu yenilədi 19 Fevral 2020, 22:54 10 yaşlı uşaq 5 ayda 250-dən çox kitab oxudu - VİDEO 19 Fevral 2020, 22:40 Prezident ailəsi ilə Romada şəhər gəzintisində - FOTOLAR 19 Fevral 2020, 22:25 Bakıda dava zamanı iki nəfər bıçaqlanıb 19 Fevral 2020, 22:12 Bakıda çoxmərtəbəli binada yanğın söndürülü 19 Fevral 2020, 21:54 Azərbaycanlılarla ermənilər arasında kütləvi dava 19 Fevral 2020, 21:42 Təbriz komandası İran kubokunda rəqib tanımır 19 Fevral 2020, 21:28 Bakıda avtomobil yolu keçən piyadanı vurdu 19 Fevral 2020, 21:14 Jurnalist hüquq-mühafizə orqanlarının rəhbərlərinə müraciət edəcək 19 Fevral 2020, 21:11 Sumqayıtda sevgilisi ilə mübahisə edən kişi özünü ağzından güllələdi 19 Fevral 2020, 20:49 Sumqayıtda bu binalar söküləcək 19 Fevral 2020, 20:36 İrəvan Qarabağ erməniləri üçün “işarə qoymaq” istəyir - Brayza 19 Fevral 2020, 20:22 Gürcüstan Ermənistanla hərbi əməkdaşlığı müzakirə etdi 19 Fevral 2020, 20:06 Bakıda hündürmərtəbəli binada yanğın BAŞLAYIB 19 Fevral 2020, 19:58 “Putin bunu etsə, Qərbdən heç nə ilə fərqlənməyəcək” 19 Fevral 2020, 19:54 İranda koronavirusa yoluxan iki nəfər öldü 19 Fevral 2020, 19:42 Naftalanda hesabat iclası keçirildi 19 Fevral 2020, 19:33 Bakıda torpağın və bağ evlərinin qiyməti ucuzlaşıb 19 Fevral 2020, 19:23 “Elmi dərəcələrin verilməsində MDB ölkələrinin təcrübəsindən yararlanırıq” - AAK sədri 19 Fevral 2020, 19:08 Ombudsman Nərmin cinayətinə görə həbs edilən İlkin Süleymanova baş çəkdi 19 Fevral 2020, 18:46 Dairə Seçki Komissiyasının sədri vəfat etdi 19 Fevral 2020, 18:30 Dəmir yolu stansiyasında partladıcılar tapıldı - FOTO 19 Fevral 2020, 18:21 Əbülfəs Qarayev Böyük Britaniyada görüşlər keçirib 19 Fevral 2020, 18:10 Putin maaşının azlığından şikayətləndi 19 Fevral 2020, 18:03 İlham Əliyev Romada Nizami Gəncəvinin abidəsini ziyarət etdi 19 Fevral 2020, 17:55 ABŞ-ın keçmiş səfiri və həmsədri Azərbaycanda görüşlər keçirir 19 Fevral 2020, 17:53 Rusiyada Azərbaycanın ərazi bütövlüyü ilə bağlı təxribat aradan qaldırıldı 19 Fevral 2020, 17:50 Xəzərdə zəlzələ olub 19 Fevral 2020, 17:45