2020-ci ilin ilk ayı Azərbaytcanın işğal altındakı torpaqlarında Ermənistan Ordusu üçün ciddi itki və silahlı insidentlərlə yadda qalıb.
Belə ki, intizamsızlıq, daxili hərc-mərclik, hərbi hissələrdə mövcud olan “dedovşina”, korrupsiya faktları və ermənistanlı-qarabağlı düşmənçiliyi intihar, silahlı insidentlər və fərarilik hallarını kəskin artırıb.
Modern.az yanvar ayı ərzində Qarabağda düşçmən ordusunun sıralarında qeydə alınan və mətbuata açıqlanan faktları təqdim edir.
Yeni ilin ilk günü - yanvarın 1-də Ermənistan Ordusu Qarabağda ilk itkisini verdi. 19 yaşlı əsgər Artyom Arturoviç Kazaryan xəstəlikdən keçindi.
Ermənistan ordusunun Qarabağda verdiyi növbəti itki yanvarın 21-nə təsadüf etdi. Rəsmi məlumata görə, hadisə cəbhənin şimal istiqamətində qeydə alınıb. Rəsmi məlumata görə müqavilə əsasında orduda xidmət edən Artur Nalbandyan (1980-ci il) bədbəxt hadisə nəticəsində ölüb. Sonradan onun müvazinətini itirərək dərəyə düşdüyü bildirildi.
Yanvarın 22-si səhər 6:55 radələrində hərbi hissələrdən birinin ərazisində qeydə alınıb.
Hadisə zamanı Henri-Hayk Zakaryan (2001-ci il) və Armen Mesropyan (2000-ci il) yaralanıb. Zakaryanın vəziyyətinin xüsusilə ağır olduğu vurğulanır. Livan ermənisi sayılan Zakaryanın Mesropyana atəş açdığı, bundan sonra özünü vurduğu aydınlaşmışdı.
28 yanvarda gecə saatlarında təmas xəttinin cənub-şərq istiqamətində (Füzuli rayonu) Azərbaycan ordusu ilə üzbəüz mövqelərdə düşmən ordusunda yeni insident qeydə alındı. Nver Armanoviç Avetisyan (2000-ci il) güllə yarası alaraq xəstəxanaya yerləşdirilib.
Ağır vəziyyətdə hərbi hospitala aparılan əsgərin intihara cəhd etdiyi ehtimal olunur.
Yanvarın 30-u saat 13:15 radələrində hərbi hissələrdən birində Vaqram Mkrtiçeviç Avakyannın (2000-ci il) cəsədi tapıldı. Araşdırmalar hərbçinin ona təhkim olunmuş silahdan atəş açaraq özünə qəsd etdiyini müəyyən etdi.
Bu insidentlərlə paralel, yanvarın 6-da Ermənistan ərazisində yerləşən hərbi hissələrdən birində müqavilə əsasında xidmət keçən Qeqam Viktoroviç Xaçatryan pulemyotdan atəş açaraq özünü öldürüb.
Ümumilikdə, Ermənistan Ordusu yanvar ayı ərzində 4 hərbi qulluqçusunu itirib.