Arxiv
14 Fevral 2020, 09:30 | MƏDƏNİYYƏT
Sevgisi naminə saray ucaldan, taxtdan imtina edən, dinindən dönən hökmdarlar - VİDEO

“Sevgi nədir?” sualına hərə bir cür aydınlıq gətirməyə çalışıb. Elə buna görədir ki, məşhur şairlər şeirlərində, yazarlar romanlarında adətən bu sualın cavabını tapmağa çalışıb, ən çox baxılan filmlərin mövzusu da elə sevgi olub.

 

Müdrik Viktor Hüqo isə “İnsan sevginin nə olduğunu izah edə bilirsə, demək, o, heç vaxt sevməyib” deyir. Sevgi izahı mümkün olmayacaq qədər qarışıq hissdir. Bu səbəbdən onu göstərmək anlatmaqdan daha asandır. Klassik ədəbiyyatdan Leylisi üçün çöllərə düşən Məcnun, Şirin üçün dağları dələn Fərhad, Culyettasız yaşamağın mümkünsüzlüyünü anlayıb, intihar edən Romeo hamımıza tanışdır. Bəs, tarixdə necə, hansı sevgi rəmzləri var, sevgi üçün hansı fədakarlıqlar, jestlər edilib?

 

Ən məşhurları ilə başlayaq...

 

Qədimdə dünyanın 7 möcüzəsindən biri hesab olunan Babilin Asma Bağları ilk məhəbbət abidəsi kimi tarixin yaddaşına yazılıb.

 

Babil hökmdarı II Navuxodonosor bu bağları toz-torpaqlı Babildə öz vətəninin yamyaşıl təpələrinin, vadilərinin həsrətini çəkən sevimli arvadı Amitis üçün saldırıb.

 

Bir kişinin qadına olan sevgisinin rəmzinə çevrilən möhtəşəm Tac-Mahal

 

Şah Cahanın sevimli arvadı Mümtaz Mahal 14-cü uşağını dünyaya gətirərkən ölür. Bu hadisə şaha elə pis təsir edir ki, depressiyaya düşüb, özünə qapanır. Bir il sonra isə əbədi məhəbbətin rəmzinə çevrilən bu türbənin tikintisinə əmr verir.

 

İnşası 20 il davam edən Tac-Mahalı ərsəyə gətirmək üçün minlərlə işçi gecə-gündüz çalışıb. Tikintisi baha başa gəldiyinə görə dövlət böyük maliyyə çətinlikləri yaşayıb.

 

Sevdiyi qadınla evlənmək üçün öz kilsəsini yaradan kral

 

İngiltərə kralı VIII Henri mərhum qardaşının vəsiyyətinə uyğun olaraq onun arvadı araqonlu Ketrinlə evlənir. Onun bu nikahdan 6 övladı olsa da, yalnız biri sağ qalır.

 

Anna Boleynə vurulan kral oğlan övladı bəhanəsi ilə Ketrindən boşanmaq qərarına gəlir. Bu istəyini katolik kilsəsinə bildirdikdən sonra Anna ona kiçik bir hədiyyə göndərir. Bu hədiyyə balaca qızıl gəmi və almazdan düzəldilmiş qadın idi. Gəmi müdafiə, almaz isə sevgi rəmzidir. Krala məktubunda isə Anna ona öz sevgisini söz vermiş və onun qanuni həyat yoldaşı olmağa razılığını bildirmişdi. Katolik kilsəsinin qaydasına görə boşanmaq haqda icazəni yalnız Papa verə bilərdi. Papa isə İspaniya ilə əlaqələri pozmaq istəmədiyinə görə onları boşamır.

 

Nəhayət, VIII Henri İngiltərənin Katolik kilsəsindən ayrıldığını və Anqlikan kilsəsinin qurulduğunu elan edir. Beləliklə, kilsə başçısı olan VIII Henri öz nigahını ləğv edir və 28 may 1533 tarixində Anna Boleynlə gizlicə evlənir.

 

Sevdiyi qadın üçün taxt-tacdan imtina edən kral

 

VIII Eduard və Uollis Simpson İngiltərədə ən çox müzakirə edilən cütlüklərdən biri olub. Atasının ölümündən sonra 1936-cı ilin yanvarında taxta oturan Eduard bu məsələdə çox istəksiz olub. Daha sonra Uollis Simpson adlı bir qadına aşiq olan kral onunla evlənmək istəyir. Ancaq qadının amerikalı və üstəlik boşanmaq üzrə olması bütün xalqın və kral ailəsinin narazılığına səbəb olur. Bütün bunlara baxmayaraq, sevgisindən vaz keçməyən Eduard “Tacınız sizin olsun” deyib, taxtdan imtina edir və həmin qadınla evlənir. “Sevdiyim qadının köməyi və dəstəyi olmadan kral vəzifələrini icra edə bilmərəm” deyən Eduard bizə bəzi qaydalara qarşı çıxaraq Meqan Marklla evlənən və təzəlikcə kral ailəsinə məxsus imtiyazlardan imtina edən Şahzadə Harrini xatırladır.

 

"Dünya durduqca bu bulaq də mənim kimi ağlasın" deyərək  “Göz yaşı” bulağını tikdirən xan

 

Krım xanı Gəray bu bulağı 1763-cü ildə çox sevdiyi və gənc yaşda ölən həyat yoldaşı Dilarə Bikeçin xatirəsinə ithafən Bağçasaraylı bir daş ustasına inşa etdirib. Bəzi mənbələrə görə isə Gəray xan hərəmində Mariya Potocka adında polyak əsilli gənc bir xanımı görən kimi aşiq olur. Xanım Krım xanının məhəbbətinə qarşılıq vermir və ölür. Gəray xan elə kədərlənir ki, məhəbbətini ifadə etmək üçün ən yaxşı heykəltəraşına daşdan ağlayan heykəl düzəltməsini əmr edir. Beləcə, şeirlərə mövzu, dillərə dastan olan Bağçasaray daş bulağı yaradılmış olur.

 

 

Əfsanə ŞƏRİF

Nəzrin ABDUL

Eybulla AĞADADAŞOV

BU KATEQORİYADAN OLAN DİGƏR XƏBƏRLƏR
+ Arxiv
Onlayn yolla narkotik satan şəxs saxlanıldı 8 Aprel 2020, 11:58 Ermənistanda koronavirusa yoluxanların və ölənlərin sayı ARTIR 8 Aprel 2020, 11:36 Nazirlik şuraya üzvlər seçilməsini TƏXİRƏ SALDI 8 Aprel 2020, 11:30 Onkoloji xəstələrin koronavirusdan qorunması üçün tövsiyələr AÇIQLANDI 8 Aprel 2020, 11:24 Azərbaycan nefti yenidən bahalaşdı 8 Aprel 2020, 11:18 190 manatı almaq istəyən işsizlərin qeydiyyatı BAŞLADI 8 Aprel 2020, 11:12 Koronavirusla bağlı son statistika - Dünənin anti-rekordları 8 Aprel 2020, 11:06 "Evdə qal!" çağırışına məktəblilər də qoşuldu - VİDEO 8 Aprel 2020, 10:55 Cek Dorsi koronavirusla mübarizəyə 1 milyard bağışladı 8 Aprel 2020, 10:50 “Koronavirus qan köçürülməsi ilə ötürülmür” - Rəsmi 8 Aprel 2020, 10:44 Koronavirusla Mübarizəyə Dəstək Fonduna köçürülən vəsaitin məbləği AÇIQLANDI 8 Aprel 2020, 10:38 İşçilərin ödənişsiz məzuniyyətə göndərilməsinə - Nazirlikdən reaksiya 8 Aprel 2020, 10:32 Azərbaycanda bir gündə 1569 sürücü məsuliyyətə cəlb olundu 8 Aprel 2020, 10:26 Lerikdə hamilə məktəbliyə görə 59 yaşlı müəllim həbs edildi 8 Aprel 2020, 10:20 Polis paytaxt sakinlərinə müraciət etdi - FOTO 8 Aprel 2020, 10:14 Malik Həsənov: “Beşinci kolon” indi də koronavirusdan öz məqsədləri üçün istifadə etməyə çalışır   8 Aprel 2020, 10:00 Pensiyaların ödənilməsinə başlanıldı - Rayonlar üzrə SİYAHI 8 Aprel 2020, 09:52 İslahatları biz də dəstəkləyirik, bir şərtlə ki, münasibətlər yenilənsin - PJB üzvlərindən təklif 8 Aprel 2020, 09:39 Sabah dollar bu qiymətə olacaq - MƏZƏNNƏ AÇIQLANDI 8 Aprel 2020, 09:23 ABŞ-da virusa yoluxanların sayı 400 mini ötdü - bir gündə 2 min ölü 8 Aprel 2020, 09:17 Ermənilər atəşkəs rejimini 24 dəfə pozub 8 Aprel 2020, 09:10 Karantin rejimini pozan qadınlar kişilərlə eyni məkanda yaxalandılar - FOTOLAR 8 Aprel 2020, 09:04 Bakıda 15 gün karantində qalan jurnalist ordakı şəraitdən YAZDI - FOTO 8 Aprel 2020, 08:49 Gülağa Məmmədovun Azərbaycana gətirdiyi Təbrizli SƏNƏTKAR 8 Aprel 2020, 08:22 Qadınlar birləşib Pərvizi “Survivor”dan ÇIXARDILAR 8 Aprel 2020, 08:12 Məşhur futbolçu həbsxanadan çıxdı 8 Aprel 2020, 00:51 Koronavirusun ilk yayıldığı şəhərdə həyat adi axarına düşdü 8 Aprel 2020, 00:32 Dünyada kororonavirusa yoluxanların sayı 1.5 milyona çatır 8 Aprel 2020, 00:14 ABŞ-da 12 mindən artıq insan koronavirusdan öldü 7 Aprel 2020, 23:57  Kürdəmirdə karantin rejimini pozanlar həbs olundu 7 Aprel 2020, 23:39 3 yaşadək uşağı olan ailələrə yardım ediləcək 7 Aprel 2020, 23:24 Heydər Əliyev Mərkəzindən İrana dəstək 7 Aprel 2020, 23:09 Gürcüstanda koronavirusa yoluxanların sayı artdı 7 Aprel 2020, 22:52 Qəbələyə 15 sm qar yağdı 7 Aprel 2020, 22:36 Fransada rekord sayda yoluxma və ölüm baş verdi 7 Aprel 2020, 22:29