Milli Məclisin İqtisadi siyasət, sənaye və sahibkarlıq komitəsinin bütün üzvləri bir aylıq maaşlarının bir hissəsini prezident İlham Əliyevin müvafiq Fərmanı ilə yaradılmış Koronavirusla Mübarizəyə Dəstək Fonduna köçürməyi qərara gəliblər.
Modern.az xəbər verir ki, onlar pandemiyaya qalib gəlmək üçün hər kəsi birliyə səsləyiblər.
“Hər birimiz bu qlobal mübarizəyə dəstəyini verməlidir.
Bu pandemiyaya biz güclü dövlətimiz, güclü iradəmiz və güclü həmrəyliyimiz nəticəsində qalib gələcəyik!”
Komitə üzvləri: Tahir Mirkişili, Əli Məsimli, Abbaszadə Mahir, Allahverdiyev Elnur, Bayramov Vüqar, Əfəndiyev Məzahir, Əhmədov Vahid, Hüseynov Aydın, Quliyev Rüfət, Məmmədov Anar, Məmmədov İqbal, Məmmədov Məşhur, İsmayılov İmamverdi, Səmədzadə Ziyad, Vəliyev Ağalar
