Gələn həftə Tovuzda 200-dən çox şəhid ailəsi və müharibə əlili, qazi ailələrinə və tənha, yaşlı insanlara Milli Məclisin Mədəniyyət komitəsinin sədri Qənirə Paşayeva və bir sıra dostları tərəfindən koronavirusdan qorunmaq üçün tibbi-gigiyenik ləvazimatlar göndəriləcək.
Bu barədə Modern.az-a millət vəkili özü məlumat verib.
"İmkanı çatan insanları bu məsələdə imkanları çox zəif olan ailələrə də dəstək olmağa çağırırıq. Hər bir imkanı olan şəxs 5-10 belə materialları almağa çətinlik çəkən ailələrə dəstək olsa heç bir şey itirməz. Amma insanlıq adına çox şey qazanar. Cənab Prezidentimizin də vurğuladığı kimi biz birlikdə güclüyük!", - deyə Qənirə Paşayeva bildirib.
