Modern.az

Milli Məclis növbədənkənar iclas ÇAĞIRDI

Milli Məclis növbədənkənar iclas ÇAĞIRDI

Aktual

1 İyun 2020, 08:22

Milli Məclis bu gün iyun ayının 1-də növbədənkənar iclas çağırıb.


Milli Məclisdən Modern.az-a verilən məlumata görə,  iclasın gündəliyə Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi (2-ci oxunuş) daxil edilib.

 

Qeyd edək ki, İnzibati Xətalar Məcəlləsinə təklif edilən dəyişiklik dünən Milli Məclisdə 1-ci oxunuşda qəbul edilib.

 

Layihəyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcək.

 

Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimələnəcək.

Facebook
Dəqiq xəbəri bizdən alın!
Keçid et
Ukraynadan Rusiyaya ardıcıl zərbələr: Vəziyyət kritikdir