Azərbaycanda son günlər koronavirusa yoluxmuş şəxslərin sayının artması ilə yanaşı bu virusun varlığına inanmayanların da sırası genişlənir. Lakin elə virusun yayılma sürəti bu sıranın genişlənməsi ilə düz mütənasibdir, o artdıqca, bu da artır.

Modern.az xəbər verir ki, bu dəfə Azərbaycan Dövlət Televiziyası hazırda reanimasiyada olan və koronavirusa görə müalicə olunan xəstələrlə reportaj hazırlayıb.

Onlardan biri olan xəstə qadın artıq nəfəs almaqda çətinlik çəkdiyini deyib. Həkimlər isə hələ də xəstələrin sayının artdığını bildirib. Xəstələrə diafraqmanı sıxıb nəfəs almanı çətinləşdirməmək üçün su çox az və vaxta uyğun verilir. Buna görə də xəstələr ən çox su içmək istədiyini deyiblər. Koronavirusla mübarizə yalnız həkimlərin və hazırda xəstəxanada müalicə olunanların deyil, bütün vətəndaşların üzərinə düşür.