Prezident İlham Əliyev əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında sərəncam imzalayıb.
Modern.az xəbər verir ki, “Azərsu” Açıq Səhmdar Cəmiyyəti və Azərbaycan Respublikasının Dövlət Neft Şirkəti əhalisi 65122 nəfər olan 15 rayonun 24 yaşayış məntəqəsində (siyahı əlavə olunur) əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 24 ədəd subartezian quyusunun qazılmasını təmin etsinlər.
2. Bu Sərəncamın 1-ci hissəsində göstərilən məqsədlər üçün Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Azərsu” Açıq Səhmdar Cəmiyyətinə 756,0 (yeddi yüz əlli altı) min manat ayrılsın.
3. Azərbaycan Respublikasının Maliyyə Nazirliyi bu Sərəncamın 2-ci hissəsində göstərilən məbləğdə maliyyələşməni təmin etsin.
4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Sıra №-si | Rayonun adı | Quyuların sayı, ədəd | Yaşayış məntəqələrinin adı | Əhalinin sayı, nəfər |
| Balakən | 1 | Sarıbulaq kəndi | 2631 |
| Beyləqan | 1 | Mil qəsəbəsi | 2456 |
1 | Milabad qəsəbəsi | 2465 | ||
1 | Yeni Mil qəsəbəsi | 2313 | ||
| Bərdə | 1 | Xanxanımlı kəndi | 398 |
1 | İkinci Nazırlı kəndi | 817 | ||
1 | Kələntərli kəndi | 2100 | ||
| Biləsuvar | 1 | Təzəkənd kəndi | 1879 |
| Cəlilabad | 1 | Üçtəpə kəndi | 8179 |
| Goranboy | 1 | Xınalı kəndi | 1018 |
1 | Yolqulular kəndi | 819 | ||
| Kürdəmir | 1 | Şilyan kəndi | 5436 |
| Quba | 1 | Vladimirovka kəndi | 3230 |
| Neftçala | 1 | Xol Qarabucaq kəndi | 2724 |
| Şabran | 1 | Çölquşçu kəndi | 901 |
1 | Pirəmsən kəndi | 862 | ||
| Şəmkir | 1 | Dəllər Cırdaxan kəndi | 3145 |
| Tərtər
| 1 | İsmayılbəyli kəndi | 1549 |
1 | Sarov kəndi | 1870 | ||
1 | Səhləbad kəndi | 2142 | ||
| Ucar | 1 | Qazyan kəndi | 6868 |
| Yardımlı | 1 | Mirimli kəndi | 1642 |
| Zaqatala | 1 | Aşağı Tala kəndi | 7304 |
1 | Göyəm kəndi | 2374 | ||
Cəmi: | 24 | 24 | 65 122 |