Arxiv
24 Oktyabr 2020, 16:03 | AKTUAL
Ordu irəliləyir, Prezident müjdələr verir, üzümüz gülür...

Azərbaycan ordusunun qələbə marşı davam edir. Artıq 3 şəhərimiz, 3 böyük qəsəbəmiz, sayı 100-ü çoxdan ötmüş onlarla kəndimiz düşmən tapdağından azad edilib. Təsəvvür edin, ordumuzun müzəffər irəliləyişi, Ali Baş Komandana, dövlət-xalq birliyinə inamın sarsılmazlığı cəmiyyətə elə ruh, elə vüsət bəxş edib ki, artıq hər gün deyil, hər saat içində belə cəbhədən ən xoş xəbərlər gözləyirik. Nə gizlədək, cəmi bir neçə ay öncə, bir işğalçı hərbçinin zərərsizləşdirilməsi, bir düşmən hərbi texnikasının sıradan çıxarılması, bir erməni postunun dağıdılması, az qala elliklə uğur kimi qəbul edilir, geniş tirajlanırdısa, indi böyük uğurlara, dövlət başçısının müjədlərinə vərdiş etmişik; məhv edilmiş, hərbi qənimət kimi götürülmüş texnikanın sayı-hesabı hər saat artan xətt üzrə dəyişir. Əlbəttə, bu, adiləşmə deyil, inamın ən müsbət emosiya ilə sabitləşməsi, uğurların dayanıqlı şəkil alması ilə bağlıdır. Fikir vermisizsə, neçə-neçə kəndin azad edilməzi haqqında “Tvit”ləri oxuyan, yayan, sevinən ictimai fəal qüvvələr, sadə vətəndaşlar cənab Prezidentdən məhz Xalqa Müraciət gözlədiyini də gizlətmir. Təkrar edirəm, bu, məhz sarsılmaz inamın ifadəsidir, öz Ali Baş Komandanına böyük sevginin təcallasıdır.

 

Cənab İlham Əliyevin hələlik ən axırıncı – el sözü ilə desək, axarıncı Müraciəti Zəngilan şəhərinin azad edilməsi ilə bağlı olub. Ola bilsin, bu yazı yayınlanınca, artıq yeni şəhərimizin müjdəsi duyurulacaq. İnanırsız, “ola bilsin” yazmağımı belə özümə irad tutmaq istərdim – qrammatik və üslubiyyət xətası sayılmasaydı, “olacaq” yazardım. Əlbəttə, olacaq! Cənab Prezidentin öz sözüdür, “Şuşasız, işimiz yarımçıq qalar”! – Cəbrayıl, Hadrut, Füzuli, Zəngilan... – heç zərrə qədər də şübhə yoxdur ki uyğun ardıcıllıqla digər şəhər və qəsəbələrimiz “bəlkə sabah, bəlkə sabahdan daha erkən” azad olunaraq, bu gözəl sıralamada öz yerini alacaq!

 

Qarabağ bizimdir! Qarabağ Azərbaycandır!

 

Bəli, cənab Prezidentin Xalqa Müraciətlərinin hər biri özlüyündə bir əsərdi, bir dərs proqramıdır – böyük ismarınclar toplusudur. Gəlin fikrimizi axarıncı Xalqa Müraciət əsasında tezislər şəkilndə möhkəmlədək:

 

Azərbaycan Silahlı Qüvvələri Ermənistana layiq olduğu yeri göstərir. Ordumuz qarşısında sözün bütün mənalarında diz çökən Ermənistan silahlı qüvvələri məğlubiyyətlə de-fakto barışıb, de-yure barışması üçün sayılı günlər qalıb. Ermənistanın qarşısında bir yol, o yola münasibətdə iki seçənəyi var: ordusu tam sıradan çıxarıldıqdan sonramı məğlubiyyəti etiraf edəcək, yoxsa, hələ tam sıradan çıxarılmamış hərbi bölmələrini geri çəkib, qoruyaraqmı məğlub olduğunu duyuracaq..? – Budur məsələ. Görünən odur ki, işğalçı ölkə aqoniya vəziyyətində, rabitəsiz, parakəndə formada sona qədər müqavimət (guya müqavimət) cəhdində bulunmaq yolunu (yolsuzluğunu!) seçib. Olsun – cəhənəmdə işğalçı ordunun bütün şəxsi heyətinə yer tapılar;

 

Döyüş meydanında Azərbaycanın üstünlüyü artıq heç kimə sirr deyil. Haqq yolunda vuruşan xilaskar ordumuz bütün cəbhə boyu tam üstünlüyə malikdir;

 

Ermənistan ordusu faşist ordusudur. Faşizm bəşəri problem olsa da, Azərbaycan əsgəri onunla təkbaşına vuruşur. Düşmənin “qalib ordu”, “yenilməz hərbçilər” kimi hərbi-ideoloji miflərinin bir qara qəpiklik dəyər daşımadığı faş olub;

 

Düşmən ordusunun haqq etdiyi “epitet”lər çoxdur, o sırada “namərd”, “xain” epitetləri özəl yerə sahibdir. Düşmən ordusu, öz siyasi-hərbi rəhbərliyinin tapşırıqları əsasında dinc insanları (uşaqları, qadınları, qocaları), mülki əhalini, mülki infrastrukturu raket atəşinə tutur. Namərd düşmən cəbhədən uzaq yaşayış məntəqələrinə raketlər atır. Biz bir tərəfdən, mənfur, vəhşi düşməndən azad edilmiş yaşayış məntəqələrimizin barbarcasına viran edilmiş halını görürük, digər yandan, Tərtər, Ağcabədi, Gəncə və b. yerlərdə yaşayış məntəqələrimiz bugünlərdə ağır atəşlərə mərzu qalır. Yəni, “guya demokrat” Paşinyan öz əliqanlı diktator sələflərinə çox layiqli davamçı olduğunu sübut etməkdədir;

 

Ermənistanın qanunusz əməlləri zaman-zaman yer adlarının dəyişdirilməsində, eybəcərləşdirilməsində də özünü göstərib. Ordumuzun sentyabrın 27-dən başlayan müzəffər irəliləyişi ilə təkcə torpaqlarımız azad olunmur, toponimlərimiz də işğaldan qurtulur. Rəsmi İrəvanın tarixi saxtalaşdırma siyasətinə Qarabağ ərazisində son qoyulur. Artıq Madagiz – Suqovuşan, Vəng – Çinarlıdır. Ümidvarıq, İlahi ədalət, beynəlxalq hüquq və güclənən Azərbaycan dövlətinin siyasi iradəsi ilə Ermənistandakı Azərbaycan toponimləri də, gələcəkdə öz ilkin,doğma adlarına yenidən qovuşacaq;

 

Qarabağ torpaqlarına həyat qayıdacaq. Üzlərdə təbəssüm, dodaqlarda gülüş çiçəkləyəcək. Həsrət bitir. Xalqımız öz doğma torpaqlarında əmin-amanlıqla yenə qurub-yaradacaq. Dövlətimiz Böyük Qayıdışın plan-proqramına malikdir;

 

Xalq öz dövlətinə, öz Ali Baş Komandanına inanır, ona etimad göstərir. Bu ümumxalq sevgisi, milli etimad dövlət siyasətinin gücünü artırır və daha səmərəli edir. Xalq tərəfindən göstərilən etimad böyük qələbəmizin rəhnidir. Ümumxalq dəstəyi, milli həmrəylik – dövlət-xalq birliyi qarşıda duran məqsədlərə qısa müddət içində nail olmağa geniş imkanlar yaradır;

 

Bir tərəfdən, yüksək dövlət-xalq birliyi, digər yandan, haqlı mövqeyimiz Azərbaycanı beynəlxalq arenada güclü qılır, sözümüzü ötkün edir.

 

Beləliklə, uzun illər içində məhz milli, dini mənsubiyyətinə görə, öz torpağında yaşamağa davam etmək istədiyinə görə terrora məruz qalmış soydaşlarımız, həmvətənlərimiz bu gün, qəhrəman ordumuzun fədakarlığı, canı-qanı hesabına halal haqqını bərpa edir.

 

Qarabağda müzəffər irəliləyişimiz xalqımızın üfüqünü açır, bizi böyük sabahlara səsləyir!

 

Bizə bu qüruru yaşadan ordumuz, Ali Baş Komandanımız var olsun!

 

İşimiz haqq işidir, biz qalib gəlirik!

 

DÖVLƏTİMİZ VAR OLSUN!

 

Milli Məclisin Mədəniyyət komitəsinin sədri

Qənirə Paşayeva

BU KATEQORİYADAN OLAN DİGƏR XƏBƏRLƏR
+ Arxiv
Türkiyə Müdafiə Nazirliyindən Laçın PAYLAŞIMI 1 Dekabr 2020, 01:40 Paytaxtda “Opel” yandı 1 Dekabr 2020, 01:00 “Barselona” yeni prezidentini bu tarixdə seçəcək 1 Dekabr 2020, 00:55 İraqda daha bir SEPAH komandiri öldürüldü 1 Dekabr 2020, 00:42 Setyen "Barselona"nı məhkəməyə verdi 1 Dekabr 2020, 00:29 Azərbaycan Ordusu Laçına daxil oldu - RƏSMİ - VİDEO 1 Dekabr 2020, 00:15 Laçın bu gün Azərbaycana qaytarılır 1 Dekabr 2020, 00:01 Britaniyada daha 12 min nəfərdə yoluxma aşkarlandı 30 Noyabr 2020, 23:54 Paşinyanın istefasını tələb edən onlarla etirazçı saxlanıldı 30 Noyabr 2020, 23:47 Baş nazir koronavirusa yoluxdu 30 Noyabr 2020, 23:35 Tələbələrin ölümü ilə nəticələnən qəzanın görüntüləri yayıldı - VİDEO 30 Noyabr 2020, 23:23 Azərbaycan Gürcüstana humanitar yardım göndərdi 30 Noyabr 2020, 23:10 İtaliyada koronavirusla bağlı son vəziyyət 30 Noyabr 2020, 22:59 Türkiyədə koronavirusdan rekord ölüm 30 Noyabr 2020, 22:44 Sonuncu erməni Laçını tərk etdi - VİDEO 30 Noyabr 2020, 22:30 Çempionlar Liqası matçını ilk dəfə qadın hakim idarə edəcək 30 Noyabr 2020, 22:18 Türkiyədə qadağalar sərtləşdirildi - Ərdoğan məhdudiyyətləri açıqladı 30 Noyabr 2020, 22:05 OPEK qərarını verdi 30 Noyabr 2020, 21:58 Teledərslərin sabaha olan CƏDVƏLİ 30 Noyabr 2020, 21:46 “Barselona” Messinin bu hərəkətinə görə cərimələnəcək 30 Noyabr 2020, 21:35 “AzerTelecom”un layihəsi beynəlxalq konfransda müzakirə edilib - FOTO 30 Noyabr 2020, 21:29 Ermənistanda növbəti etiraz aksiyası 30 Noyabr 2020, 21:21 Gürcüstanda zəlzələ 30 Noyabr 2020, 21:07 Türkiyənin hərbi istehkamçıları Azərbaycana gəlib - RƏSMİ 30 Noyabr 2020, 20:54 Tramp vaksinin istifadəsinə icazə verməyə çağırdı 30 Noyabr 2020, 20:49 Gürcüstanda nazir və müavini koronavirusa yoluxdu 30 Noyabr 2020, 20:36 Nazir Günay Əfəndiyeva ilə görüşdü 30 Noyabr 2020, 20:24 Salyanda azyaşlını maşın vurdu 30 Noyabr 2020, 20:13 Qızıl və gümüş ucuzlaşdı 30 Noyabr 2020, 20:03 Nazirlik qazi Kənanı nəzarətə götürdü - anası işlə təmin edildi 30 Noyabr 2020, 19:52 Rusiya sülhməramlıları üçün növbəti maddi-texniki təminat vasitələri gətirildi - VİDEO 30 Noyabr 2020, 19:43 Şamil Ayrım İlham Əliyevi təbrik etdi 30 Noyabr 2020, 19:34 Türk minaaxtaranlar Qarabağda - FOTO 30 Noyabr 2020, 19:25 Hulusi Akardan Qarabağda atəşkəsə nəzarətlə bağlı AÇIQLAMA 30 Noyabr 2020, 19:16 Bayrağı uca 30 Noyabr 2020, 19:07
SORĞU Cəbhə xəbərlərini hansı mənbədən alırsınız?