Arxiv
1 Aprel 2021, 13:44 | ÖLKƏ
Heydər Əliyevin tərcüməçisi - Livan prezidentini təəccübləndirən azərbaycanlı DİPLOMAT - FOTOLAR

Bu dünya bir pəncərədir,

Hər gələn baxar keçər…

O da dünya adlı pəncərədən baxıb özü ilə bir dünya bilgi, savad, elm apararaq getdi…

Vətənini, xalqını, peşəsini sonsuz dərəcədə sevən sözün əsl mənasında peşəkar diplomat idi Azər Abbas!

Azərbaycana layiqli vətəndaşın ölümündən 1 il ötür…


Azər Abbas 1963-cü il Bakı şəhərində ziyalı ailəsində doğulmuşdu. Bakı şəhəri 20 saylı məktəbin rus bölümünü bitirib, 1981-ci il BDU-nın Şərqşunaslıq fakultəsinin ərəb dili bölümünə daxil olub. Və oranı fərqlənmə diplomu ilə, professor  Ə. Məmmədovun ən sevimli tələbəsi kimi bitirib.


Tələbəlik illərində 1 il Yəmən Ərəb Respublikasında praktikada olub. Universiteti bitirdikdən sonra İraq Ərəb Respublikasında keçmiş SSRİ-nin tərkibində hərbi tərcüməçi kimi fəaliyyət göstərib. Və çox qısa bir müddətdə bilik və bacarıgı ilə ön sıraya çəkilib, ən çətin tərcümələrə cəlb olunub. O, uzaq illərdən bu gunə qədər qorunub qalan dostlarından biri, Rusiya XİN-in diplomatı V.Dembitckinin  dediyi kimi “Azərin xarakterindəki ciddilik, yüksək dil bacarəğı bizim hər birimiz marağına səbəb olurdu və onun yanında olmağı özümüzə şərəf bilirdik”.


O zamanlar tələbələr xaricə ezam olunmazdan öncə Moskvada xüsusi imtahann komissiyasından keçirdilər. Onu iki dəqiqə dinləyən komissiya üzvləri “otur və bizimlə birlikdə imtahanı sən də götürəcəksən!” söyləmişdilər.


Bu gənc tərcüməçinin keşməkeşli peşə yolunda ilk addımları idi…


Amma onun ürəyinin dərinliyində gənclik illərindən yatıb qalan bir arzusu var idi, diplomat olmaq!


Sonralar 26 illik diplomatik fəaliyyətində hər dəfə zorluqlar, çətinliklərlə rastlaşdıqda deyirdi : “Mənə güc verən mənim bu peşəyə severək, arzulayaraq gəlməyimdir. Yoxsa mən bu təzyiqlərə çətin dözərdim!” .

1991-94 cü illərdə İraqın Bakıdakı səfirliyində tərcüməçi kimi çalışıb. 1994-cü ildən Azərbaycan Xarici İşlər Nazirliyində işə başlayıb və 26 illik bir yol keçib…


Uzun illər sinxron tərcüməçi və diplomat fəaliyyətinə dayanaraq Yəmən, İraq, Misir, Qətər, Mərakeş kimi dövlətlərdə çalışıb. Ərəb ölkələrinin daxili durumunu, siyasətini dərindən öyrənib-bilən Azər Abbas hər zaman Azərbaycan və Ərəb ölkələri arasında münasibətlər qurmaq imkanlarının böyuk və sonsuz olduğunu vurğulayıb.

Onun yüksək dil qabiliyyəti müsahiblərini çaşdırırdı, “doğru söylə, sən həqiqətən qeyri-ərəbsən?” kimi suallar verirdilər. Buna bənzər hadisə dövlət səviyyəli görüşlərin birində də baş vermişdi. Keçmiş xarici işlər naziri Həsən Həsənovun Suriya-Livan səfəri zamanı, Livan prezidenti danışıqları kəsərək, üzünü bu gənc diplomata tutaraq, “siz ərəbsiniz?” deyə soruşmuş və onun gözəl nitqinə heyran qaldığını bir neçə dəfə vurğulamışdı.


Bacarıqlı diplomata 1994-1999 cu illər Ümummilli liderimiz Heydər Əliyevin tərcüməçisi olmaq kimi missiya verilmişdi. Və bunun ardından 2004-2007 və 2007-2009-cu illərdə Prezident İlham Əliyevin tərcüməçisi olmuşdu.



Azər Abbas 2009-cu ildə Suriya dövlətinin prezidenti Bəşər Əsədin Azərbaycana səfəri zamanı müasir Azərbaycanın tarixində ilk dəfə Azərbaycan və Ərəb dillərinin sinxron təcüməsini yerinə yetirmişdi.


Azər Abbas olduğu ölkələrin televiziya və qəzetlərinə dəfələrlə dəvət almış və ğeniş auditoriyanı  Azərbaycan dövlətinin tarixi,mədəniyyəti haqqında bilğiləndirmişdir.


Azər Abbas ozündə diplomatlara lazım olan bir çox  xüsusiyyətlərə malik idi. Öncəliklə dil baryeri yox idi. Azərbaycan, Rus, Ərəb və İngilis dillərində yüksək səviyyədə danışırdı və yazırdı. Çox səbrli, susmağı bacaran bir insan idi. Çox zaman diplomatlara bir neçə dildə susmağı bacaran insanlar deyirlər, Azər Abbas məhz belə insan idi!


Çox mübariz, qorxmaz və nəfsinə sahib bir insan idi. Vətəninin, dövlətinin adına kölgə sala biləcək nə isə bir şey gördükdə çox qəzəblənər və vəzifəsindən asılı olmayaraq belə insanlar onun gözündə sıfıra enərdilər.


Onun tez-tez söylədiyi sözlərdən biridə bu idi: “Biz diplomatlar olduğumuz hər bir ölkədə bir fərd deyil, vətənimizik, Azərbaycanıq! Bizim ölkəmiz ilə tanışlıq ilk növbədə biz diplomatlarla tanışlıqdan başlayır. Və olduğumuz dövlətlərdə davranışlarımız çox həssas xarakter daşımalıdır!”.


O öz ölkəsini sevdirə bilən diplomatlardan idi! Güclü yumor qabiliyyəti onun qurduğu münasibətlərdə bir açar kimi insanların ürəyinə yol açir, üzlərinə gülüş gətirirdi.


Ötən illər ərzində bir çox dövlət adamlarının  Ərəb ölkələrinə səfərində diplomat-tərcüməçi kimi iştirak etmişdi.


Onun siyasi analitik materialları XİN daxili aylıq jurnalda tez tez çap edilirdi.


Hər kəsin bir tale yazısı var deyiblər. Azər Abbasın da yazısında vətəndən uzaqda, ona güc-qüvvət verən sevimli peşəsinin ağuşunda qəfil ürəktutmasından bu dünyadan köçmək var imiş.


Mahir dilşünas və  peşəkar diplomat, siyasi analitik, eyni zamanda ğözəl ailə başçısı, 3 övlad  atasi idi.


Həmin ağır günlərdə Azər Abbasın ailəsinə ünvanlanan başsağlığında deyildiyi kimi:


“İnsan var ki evdən gedər. İnsan var ki eldən gedər”.

Azər öz mədəni dünyası, savadı və bacarığı, peşəkarlığı ilə eldən gedən oğullardandır.


Allah məkanını cənnət eləsin!


Ruhu şad olsun!

BU KATEQORİYADAN OLAN DİGƏR XƏBƏRLƏR
+ Arxiv
Paşinyanın Sünikə səfərinə etiraz edən 19 nəfərə cinayət işi açıldı 23 Aprel 2021, 21:55 Gəncədə zəncirvari qəza - ölən və xəsarət alanlar var - FOTO 23 Aprel 2021, 21:39 Bakı limanı özəl idarəetməyə verilə bilər 23 Aprel 2021, 21:25 Baydendən Ermənistan prezidenti barədə sensasiyalı açıqlama – VİDEO 23 Aprel 2021, 21:07 Güləşçimiz Avropa çempionatının finalına yüksəldi 23 Aprel 2021, 20:52 Erməni patriarx 1915-ci il hadisələrini siyasi alətə çevirməməyə çağırdı 23 Aprel 2021, 20:38 Moskvadan Bakıya gələn təyyarə Rusiyada təcili eniş etdi 23 Aprel 2021, 20:23 Müəllimlər koronavirusa yoluxdu, məktəb bağlandı 23 Aprel 2021, 20:09 Hikmət Hacıyev və Ukrayna Prezidenti Ofisinin rəhbərinin müavini ilə  məsləhətləşdilər 23 Aprel 2021, 20:00 Ünvanlı dövlət sosial yardımları ödənildi 23 Aprel 2021, 19:50 Lənkəran Dövlət Universitetinin yeni rektoru kimdir? - DOSYE 23 Aprel 2021, 19:41 Hüseynbala Mirələmovun YAP-dan çıxarılmasına bu şəxslər “HƏ” deyiblər - SİYAHI 23 Aprel 2021, 19:09 Naxçıvan Qarnizonu Qoşunlarında rabitə bölmələri ilə taktiki-xüsusi məşğələ keçirilib - VİDEO 23 Aprel 2021, 19:00 Qubada “Sadiq dost” açıldı 23 Aprel 2021, 18:52 Senat sədrinin fəlsəfəsi: respublikaçılıq yoxsa şovinizm?! 23 Aprel 2021, 18:45 Nazirlik acından ölən atlara yardım göstərdi - FOTOLAR 23 Aprel 2021, 18:38 Merkel Almaniya Bundestaqında dindirildi 23 Aprel 2021, 18:30 Ramazana məxsus ibadətlər hansılardır? - AÇIQLAMA 23 Aprel 2021, 18:21 İranla sərhəddə bu ərazinin təhlükəsizliyi Azərbaycana həvalə OLUNDU 23 Aprel 2021, 18:14 Qarabağda daha 5 erməni cəsədi tapıldı 23 Aprel 2021, 18:07 Əli Əsədov qərar imzaladı 23 Aprel 2021, 18:00 Aİ Azərbaycanda yeni layihənin icrasına başlayır 23 Aprel 2021, 17:56 Direktor vəzifəsinə işə qəbul üzrə müsahibələr mərhələli keçiriləcək 23 Aprel 2021, 17:52 Ağdamdakı erməni vəhşiliyi Fransa mətbuatında 23 Aprel 2021, 17:46 Koronaviruslu xəstədən rüşvət alan daha bir həkim TUTULDU 23 Aprel 2021, 17:40 Rusiyalı həkimlər Qarabağda erməniləri müalicə edirlər 23 Aprel 2021, 17:34 Prezident Universitetə rektor TƏYİN ETDİ - FOTO 23 Aprel 2021, 17:28 Yeni Səhiyyə naziri kimdir? - DOSYE 23 Aprel 2021, 17:23 Azərbaycanda 200-dək jurnalist peyvənd olunub 23 Aprel 2021, 17:20 Havadakı tozun miqdarı axşam saatlarında azalacaq 23 Aprel 2021, 17:18 Azərbaycanlı güləşçi erməni rəqibini məğlub etdi 23 Aprel 2021, 17:12 “İlin sonuna müştərilərimiz filiallarımızda əhəmiyyətli dəyişikliklər görəcəklər” 23 Aprel 2021, 17:06 Nar” məktəblilər üçün “Oxu Saatı” layihəsinə start verir 23 Aprel 2021, 17:00 İcra başçısı müşavirə keçirdi - FOTO 23 Aprel 2021, 16:54 Navalnı aclıq aksiyasını dayandırdı 23 Aprel 2021, 16:48