Modern.az

ATU-da yeni TƏYİNAT

ATU-da yeni TƏYİNAT

23 Aprel 2021, 12:56

Azərbaycan Tibb Universitetinin rektoru Gəray Gəraybəylinin əmri ilə bu ilin aprelində universitetin nəzdində Tibb təhsili və innovasiya şöbəsi yaradılıb.

 

Universitetdən Modern.az-a bildirilib ki, şöbənin müdiri ATU-nun yetirməsi Aynur Orucova təyin olunub.

 

Şöbənin üzərinə düşən vəzifələrin ən başlıcası dərslərin yeni hazırlanma metodikaları, müəllim və tələbə yerdəyişməsində dəyişikliklər, interaktiv proqramlar, tələbələrdə analitik düşüncə və peşəkarlığın inkişaf etdirilməsi, mühazirələr, təcrübə və simulyasiya dərslərinin keyfiyyətinin yüksəldilməsinə nail olmaq və digər məsələlərdir.

 

Şöbənin müdiri Aynur Orucova 2012-ci ildə Azərbaycan Tibb Universitetinin Stomatologiya fakültəsini bitirib. 2016-2019-cu illərdə Fransa Respublikası Strasburq Universitetinin dental cərrahiyyə fakültəsində biomühəndislik üzrə magistr təhsili alıb. 2019-2020-ci illərdə isə həmin universitetin Tibb fakültəsində Tibb elmlərində təhsil metodikası üzrə  magistr təhsilini alıb. Bu müddət ərzində Strasburq Universitetinin nəzdindəki bir sıra klinika və laboratoriyalarda tədqiqatlar aparıb. A.Orucovanın “Diş kanal doldurucularının fiziki və kimyəvi xüsusiyyətləri” mövzusundakı diplom işi hazırda Strasburq Universitetinin dental cərrahiyyə fakültəsində tədris proqramına daxil edilib.

Whatsapp
Bizə yazın!
Keçid et
Son dəqiqə- Paşinyan Qazaxın Əskipara kəndinə gəldi