Arxiv
27 İyul 2021, 13:53 | DİASPOR
Azərbaycan diasporu Oxçuçay fəlakətini dünyaya çatdırır 

Azərbaycanın Zəngilan rayonu ərazisindən keçən və Araz çayına tökülən Oxçuçay çayı Ermənistan ərazisində fəaliyyət göstərən dağ-mədən sənayesinin çirkab suları ilə davamlı olaraq çirklənməyə məruz qalır. Oxçuçayda vəziyyət artıq fəlakət həddinə çatıb.

 

Azərbaycana qarşı ekoloji terrorun həyata keçirilməsində Ermənistanla yanaşı, Almaniya şirkətləri də iştirak edir. Belə ki, Almaniyanın Karlsruhe şəhərində yerləşən “Cronimet” şirkətlər qrupu Ermənistanın ən böyük vergi ödəyicisi olan Zəngəzur mis-molibden kombinatının 60 faizlə əsas payçısı kimi məsuliyyət daşıyır. Tənqid hədəfləri arasında ingilis şirkəti tərəfindən alındıqdan sonra “Chaarat Kapan CJSC” adını daşıyan Qafan dağ-mədən və emal zavodunun da adı hallanır. Ölkəmizə yönələn Oxçuçay terrorunun qarşısını almaq və bunu törədənlərin cəzalandırılması üçün dövlət səviyyəsində kampaniyaya start verilib.

 

Azərbaycan diasporu ekoloji fəlakətə qarşı hansı addımları atır?

 

Dünyanın müxtəlif ölkələrində fəaliyyət göstərən diaspor təşkilatları Ermənistan və Almaniya şirkətləri tərəfindən Oxçuçayın çirkləndirməsinə etiraz əlaməti olaraq birgə bəyanatlarla beynəlxalq təşkilatlara müraciət ünvanlayıblar. Hazırda bu istiqamətdə tədbirlər davam etdirilir.

 

Fransa Azərbaycanlıları Koordinasiya Şurasının əlaqələndiricisi Mehriban Ovçuyeva Modern.az-a bildirib ki, Oxçuçay fəlakəti ilə bağlı müxtəlif ictimai təşkilatlara müraciətlər edilib:

 

“"Cronimet" və onun müxtəlif ölkələrdə olan ofislərinə fotolarla birlikdə etiraz məktubları göndərilib. Xaricdə yaşayan azərbaycanlılar, koordinasiya şuraları, müxtəlif təşkilatlar beynəlxalq qurumlara məktublar göndərib. Həmçinin Fransada müxtəlif təbiətin qorunması ilə məşğul olan ictimai təşkilatlara məlumat göndərilib və görüşlər keçirilib. Bu təşkilatlar ölkə səviyyəsində kifayət qədər aktivdirlər. Onlarla birlikdə görüşlər keçirilib. Həmçinin başqa ölkələrlə birgə etiraz məktublarının göndərilməsini təmin etmişik”.

 

İsveç Sosial-Demokratlar Partiyasının fəalı, Soderberq Jonkopinq region parlamentinin deputatı İradə Əliyeva saytımıza açıqlamasında vurğulayıb ki, İsveçrə Koordinasiya şurası Oxçuçay ilə bağlı fəal işləyir:

 

“İyulun 2-dən İsveçdə fəaliyyət göstərən şirkətə bəyanat göndərdik. Həmin bəyanatda biz Oxçuçayda vəziyyəti izah etdik, bunun ətraf mühitə, insanlara nə qədər təhlükəli olduğu bildirərək, bu şirkətin imkan daxilində Almaniya şirkətinə təsir etməsini xahiş etdik. Lakin onlardan bizə heç bir cavab gəlmədi. Uzun müraciətlərdən sonra məktublarımıza cavab verdilər. Bizə təəssüflə bildirdilər ki, belə vəziyyətdən onlar çox narahatdırlar. Çünki İsveç digər Avropa ölkələrindən daha çox ətraf mühitin qorunması haqqında diqqətlidir, milyardlarla pul xərcləyir. Amma onlar bildirdilər ki, heç bir şəkildə müdaxilə edə bilməzlər və ya hansısa elə bir platforma yoxdur ki, bu mövzunu müzakirə etsinlər. Lakin söz verdilər ki, Avropa ölkələrinin tədbiri olarsa, orada bu məsələsini nəzərə çatdıracaqlar”.

 

Polşa Azərbaycanlıları Şurasının rəhbəri Fərid Cəfərli isə deyib ki, Oxçuçay məsələsi ilə bağlı “Cronimet” şirkətinin əsas qərargahı Almaniyada yerləşdiyi üçün orada yaşayan soydaşlarımız şirkətin qarşısında aksiya keçirmişdilər:

 

“Polşada şirkətin 2 filialı var. Biz həmin filiallara etiraz məktubu göndərmişik".

 

 Həmçinin pandemiya qaydaları çərçivəsində Diasporla İş üzrə Dövlət Komitəsində təşkil edilən aksiya zamanı könüllülər və platforma üzvləri öz şəxsi elektron ünvanlarından Avropanın müxtəlif ölkələrindəki parlamentarilərə, ABŞ konqresmenlərinə və nüfuzlu beynəlxalq təşkilatlara müraciət ediblər.

 

Müraciətdə qeyd edilib ki, ekoterrora məruz qalan Oxçuçayın töküldüyü Araz çayı Azərbaycanın əkin sahələrinin suvarılmasında həlledici rol oynayır. Lakin çaydakı suyun keyfiyyətinin ciddi dəyişikliyi səbəbindən onun məişət və kənd təsərrüfatı ehtiyacları üçün istifadəsi son dərəcə təhlükəlidir. Ekosistemə və bioresurslara ciddi ziyan vurulduğu, Ermənistanın 1992-ci ildə imzalanmış Helsinki konvensiyasına qoşulmadığı və öhdəliklərdən yayındığı barədə ətraflı məlumat verilib.

 

 Aysel Məhərrəm

BU KATEQORİYADAN OLAN DİGƏR XƏBƏRLƏR
+ Arxiv
Van Qoqun yeni aşkarlanan rəsm əsəri sərgiləndi 17 Sentyabr 2021, 00:50 “Qalatasaray” avtoqolla “Latsio”ya qalib gəldi 17 Sentyabr 2021, 00:45 Bu ölkədə peyvənddən imtina edən 3000 həkim işdən qovuldu 17 Sentyabr 2021, 00:38 Niderland XİN rəhbəri istefa verdi – SƏBƏB 17 Sentyabr 2021, 00:31 Rusiyada parlament seçkiləri başladı 17 Sentyabr 2021, 00:15 Səyyad Əlizadə Mərkəzi Gömrük hospitalına köçürüldü 17 Sentyabr 2021, 00:10 İlisu qoruğunun ərazisi yanğından mühafizə olundu 17 Sentyabr 2021, 00:02 ABŞ Avstraliyadakı hərbi varlığını artırır 16 Sentyabr 2021, 23:52 Qurban Qurbanov pivə butulkasının götürülməsini istədi 16 Sentyabr 2021, 23:31 Mediasiya qanunvericiliyinin tətbiqi məqsədilə işçi qrup yaradıldı 16 Sentyabr 2021, 23:28 XİN: Ermənistanı məsuliyyətə cəlb edəcəyik 16 Sentyabr 2021, 23:26 Ermənilərin Oxçuçayı çirkləndirməsi Moldova mətbuatında 16 Sentyabr 2021, 23:14 Bakıda mənzildə qadın meyiti tapıldı 16 Sentyabr 2021, 23:10 Naxçıvandan Gəncəyə aviareys fəaliyyətə başladı 16 Sentyabr 2021, 22:51 “Qarabağ”-“Bazel” oyunu qolsuz keçdi 16 Sentyabr 2021, 22:45 Avropa Müdafiə İttifaqı yaradıla bilər 16 Sentyabr 2021, 22:36 Goranboyda ikimərtəbəli ev yandı 16 Sentyabr 2021, 22:23 “Gənclər siyasəti haqqında” yeni qanun layihəsi müzakirəyə çıxarılır 16 Sentyabr 2021, 22:13 Fondun xətti ilə 35 min 576 ipoteka krediti verilib 16 Sentyabr 2021, 22:03 “Bədən tərbiyəsi və idman haqqında” qanun layihəsi müzakirəyə çıxarılır 16 Sentyabr 2021, 21:56 MEDİA rəhbərliyi Qazaxıstanda görüşlər keçirir 16 Sentyabr 2021, 21:51 İƏT nümayəndələri Şuşada monitorinq apardı 16 Sentyabr 2021, 21:43 "Doing Business" hesabatının verilməsi dayandırılır 16 Sentyabr 2021, 21:31 Çində tam peyvənd olanların sayı 1 milyardı keçdi 16 Sentyabr 2021, 21:20 Xarici şirkətlər üçün yeni tələblər 16 Sentyabr 2021, 21:10 Türkiyədə daha 262 nəfər virusdan öldü 16 Sentyabr 2021, 20:54 Türkiyə-İran sərhədi açıldı 16 Sentyabr 2021, 20:43 Kabilə bir neçə raket düşüb 16 Sentyabr 2021, 20:36 Dövlət xətti ilə kirayə verilən mənzillərin sayı açıqlandı 16 Sentyabr 2021, 20:29 Ötən ay dəmir yolu ilə 213 min sərnişin daşınıb 16 Sentyabr 2021, 20:17 Nigeriyada aviazərbələr endirildi: 9 ölü, 23 yaralı 16 Sentyabr 2021, 20:13 Türk Ağsaqqalları Birliyinin yaradılması xəbəri təkzib edildi 16 Sentyabr 2021, 19:59 Samuxda məişət evi yandı 16 Sentyabr 2021, 19:51 "Üç qardaş - 2021” təlimi davam edir - VİDEO 16 Sentyabr 2021, 19:38 Zaxarova İranın yük maşınlarının saxlanmasından DANIŞDI 16 Sentyabr 2021, 19:36
SORĞU Hansı vaksinə etibar edirsiniz?