Türkiyənin xarici işlər naziri Mövlud Çavuşoğlu azərbaycanlı həmkarı Ceyhun Bayramova təşəkkür edib.
Modern.az xəbər verir ki, nazir tvitter hesabında Ceyhun Bayramovun başsağlığı mesajını paylaşıb.
“Dəyərli qardaşım Ceyhun, həmrəyliyin və başsağlığı mesajın üçün təşəkkür edirəm. Can Azərbaycanın dəstəyi və qardaşlığı bizə güc verir”, - Çavuşoğlu vurğulayıb.
"Qardaş Türkiyədə meşə yanğınlarının davam etməsi, Antalyada 3 nəfərin həyatını itirməsi bizi çox sarsıtdı. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanındayıq, hər cür dəstək göstərməyə hazırıq".