Azərbaycan karateçilərinin “Tokio-2020” Yay Olimpiya Oyunlarında rəqibləri müəyyənləşib.
Modern.az xəbər verir ki, Tokio Olimpiadasında ölkəmizi 3 karateçi təmsil edəcək.
Olimpiadada 75 kiloqram çəki dərəcəsində mübarizə aparacaq Rafael Ağayev B qrupunda Luici Busa (İtaliya), Noa Biç (Almaniya), Çuneari Yahiro (Avstraliya) və Nurkanat Ajiqanov (Qazaxıstan) ilə üz-üzə gələcək.
Digər karateçimiz Firdovsi Fərzəliyev (67 kq) A qrupunda mübarizə aparacaq. Təmsilçimizin rəqibləri Eray Şamdan (Türkiyə), Darxan Assadılov (Qazaxıstan), Əli Elsavi (Misir) və Naoto Saqo (Yaponiya) olacaq.
Qadın karateçimiz İrina Zaretska (61 kq-dan yuxarı) B qrupunda Məltəm Hocaoğlu (Türkiyə), Sofiya Berultseva (Qazaxıstan), Ayumi Uekusa (Yaponiya) və Silvia Semeraro (İtaliya) ilə qarşılaşacaq.
F.Fərzəliyev avqustun 5-də, Ondan bir gün sonra R.Ağayev, avqustun 7-də isə İ.Zaretskaya mübarizəyə qoşulacaq.
İlk iki yerin sahibi yarımfinala vəsiqə qazanmaqla yanaşı, bürünc medalı təmin edəcək.