“Gəncə şəhərində 80 faizdən çox təhsil işçisi hər iki dozada vaksin olunub”.
Modern.az xəbər verir ki, bunu Gəncə şəhər Təhsil İdarəsinin müdiri Anar Qədimalıyev deyib. O qeyd edib ki, Gəncədə 4900-dən çox təhsil işçisi yaşayır və fəaliyyət göstərir:
“88 faizdən artıq təhsil işçisinin birinci doza vaksini vurulub, ikinci dozanı vurduran təhsil işçilərinin faiz nisbəti 80 faizdən çoxdur. Cəmi iki məktəbdə vaksinasiya prosesi göstərilən rəqəmlərdən nisbətən aşağıdır və bu məktəblərdə vaksinasiya prosesini gücləndirməyə çalışırıq”.
