“44 günlük Vətən müharibəsi milli iradə, mili ruh, milli ləyaqət təntənəsi idi. Biz qələbəni döyüş meydanında qazandıq”.
Modern.az xəbər verir ki, bunu Prezident İlham Əliyev 27 Sentyabr – Anım Günü ilə əlaqədar xalqa müraciətində söyləyib. Dövlət başçısı vurğulayıb ki, Azərbaycan Ordusu düşməni qabağımızda diz çökməyə, kapitulyasiya aktına imza atmağa məcbur etdik:
“Həmin düşmən 30 il ərzində bizə meydan oxuyub, Azərbaycan xalqının ləyaqətini tapdalamağa çalışıb. 30 il ərzində azğınlaşmış düşmən qabağımızda diz çökdü, ağ bayraq qaldırdı. Məcbur oldu ki, noyabrın 9-da kapitulyasiya aktına imza atsın. Və biz digər ərazilərimizi bir damla qan tökmədən , şəhid vermədən geri qaytardıq”.