Dövlət Vergi Xidməti (DVX) kriptovalyuta əməliyyatlarının aparılmasından gəlir əldə edən fiziki şəxslər belə əməliyyatlar üzrə vergi öhdəliklərini necə yerinə yetirməsilə bağlı məsələyə aydınlıq gətirib.
Modern.az-ın məlumatına görə, Xidmətin açıqlamasında qeyd edilib ki, kriptovalyuta üzrə əməliyyatlardan gəlir əldə edən fiziki şəxslər vergi orqanlarında uçota alınmalıdır:
“Onlar uçota alınmaqla VÖEN əldə etməlidirlər. Əldə edilən gəlirdən Vergi Məcəlləsinin 101.2-ci maddəsinə uyğun olaraq 14 faiz dərəcə ilə gəlir vergisi hesablanmalı və növbəti ilin mart ayının 31-dən gec olmayaraq "Gəlir vergisinin bəyannaməsi"ni vergi orqanına təqdim etməklə dövlət büdcəsinə ödəməlidirlər”.