Arxiv
28 Oktyabr 2021, 16:56 | HADİSƏ
Bərdə bombardmanı: faciə qurbanlarının yaxınları o günü belə XATIRLAYIR - FOTOLAR

Bu gün Ermənistanın İkinci Qarabağ müharibəsi zamanı Bərdəni növbəti dəfə atəşə tutmasından 1 il ötür.


2020-ci il oktyabrın 28-də saat 13 radələrində Ermənistan silahlı qüvvələri cəbhə xəttindən uzaqda yerləşən Bərdə şəhərinə beynəlxalq hüquqla qadağan olunmuş kasetli bombalardan istifadə etməklə zərbələr endirib.


Dinc sakinlərin sıx hərəkətdə olduğu və ticarət obyektlərinin yerləşdiyi ərazinin bombardmanı nəticəsində 21 nəfər həlak olub, 70-ə yaxın şəxs yaralanıb, şəhərdə yerləşən mülki infrastruktur obyektlərinə və nəqliyyat vasitələrinə külli miqdarda ziyan dəyib.


Modern.az
saytının əməkdaşı 1 il öncə atılmış raket nəticəsində qurban verən bir neçə bərdəli ailə ilə əlaqə saxlayıb.

 

“Geridə qalan 1 il bizim üçün 10 ilə bərabər oldu...”

Mülki şəhid Məhərrəm Ənvər oğlu Mustafayevin qardaşı İlham Mustafayev ötən bir il ərzində yaşadıqları çətin günlərdən söz açıb:

 


“Ötən bir il bizim üçün çox çətin idi. Bərdədə İkinci Qarabağ savaşı zamanı mülki əhaliyə qanunsuz, qadağan olunmuş raketlər atıldı. Dinc əhaliyə qarşı terror aktı törədildi. Raket atılanda elə bir faicə yaşandı ki, həmin anlar Bərdə sakinlərinin yaddaşından heç vaxt silinməyəcək.


Bərdə bombardmanının qurbanlarından biri də mənim qardaşımdır. Qardaşım Qızıl Aypara Cəmiyyətinin könüllüsü idi. 192 dövlətin toxunulmaz qurumu olan Qızıl Aypara Cəmiyyətinin əməkdaşına toxunuldu və qardaşım şəhid oldu.


Qardaşım ailəlidi, bir oğlu, bir qızı yadigar qalıb. Ailəsi ikinci qrup əlildir. Övladları qardaşımın yoxluğunda mənəvi cəhətdən çox çətinliklərlə üzləşdilər.


Artıq bir il ötür, şükürlər olsun ki, müharibədə Qələbə qazandıq. Amma ağır faciə yaşayan bir ailə olaraq bu bir il bizim üçün 10 ilə bərabər oldu”.


“Sanki bizdən bir ömür getdi”


Bərdə faciəsində həm bacısını, həm də atasını itirmiş Ülviyyə Mirzaliyeva bildirib ki, həmin olaylar barədə danışmaq ona çox çətindir:



“Bir il öncə baş verən hadisələr bütün Bərdə sakinləri üçün çox çətin anlar yaşatdı. O gündən bir il ötməsinə baxmayaraq, sanki bizdən bir ömür getdi. Ən dəhşətlisi isə mənim atamla bacımı itirməyim idi. Hadisə baş verdiyi zaman biz evdə idik, atamla bacım isə şəhərdə. Xəbəri eşitdiyimiz zaman zəng etdik, amma şəbəkə  tutmadığından onlarla əlaqə qura bilmədik. Daha sonrasında isə hər şey bilindi...


Artıq bir il ötüb, amma yenə də bu barədə danışmaq mənim üçün çox çətindir. İki ən yaxınını itirmək dəhşətdir. Amma şükürlər olsun ki, faciə qurbanlarının qisası alındı, qanları yerdə qalmadı”.


Qeyd edək ki, Bərdə rayonu və şəhər mərkəzi İkinci Qarabağ müharibəsi dövründə ümumilikdə 3 dəfə (5, 27 və 28 oktyabr 2020-də) Ermənistan Silahlı Qüvvələrinin raket və ağır artilleriya hücumlarına məruz qalıb. Nəticədə 29 nəfər şəhid olub, 112 nəfər yaralanıb, rayonda yerləşən mülki infrastruktur obyektlərinə, nəqliyyat vasitələrinə külli miqdarda ziyan dəyib.

BU KATEQORİYADAN OLAN DİGƏR XƏBƏRLƏR
+ Arxiv
Səudiyyə Ərəbistanı və Fransa arasında müqavilə 5 Dekabr 2021, 17:45 Tanınmış jurnalist dünyasını dəyişdi 5 Dekabr 2021, 17:30 Minskdən Kiyevə nota 5 Dekabr 2021, 17:17 2 azyaşlı bacı dəm qazından zəhərləndi 5 Dekabr 2021, 17:05 Eltac Səfərli liderlər qrupunda 5 Dekabr 2021, 17:00 III doza vaksin vurduranlar 1 milyonu ÖTDÜ 5 Dekabr 2021, 16:44 Bu gün yoluxanlar: 1791 nəfər sağaldı 5 Dekabr 2021, 16:34 Oğuzda ev yandı  5 Dekabr 2021, 16:33 İlon Mask evsiz qaldı 5 Dekabr 2021, 16:29 Avropa Parlamentindən Kremlə ULTİMATUM 5 Dekabr 2021, 16:25 Türk ordusu 3 terrorçunu məhv etdi 5 Dekabr 2021, 16:18 Fati "Bavariya" ilə oyunu buraxacaq 5 Dekabr 2021, 16:04 İranda virus statistikası 5 Dekabr 2021, 15:55 ABŞ kəşfiyyat təyyarəsi Azərbaycan sərhədi boyunca uçdu 5 Dekabr 2021, 15:47 Brüssel masasında nələr var: Bakı İrəvana nələri DİQTƏ EDƏCƏK? 5 Dekabr 2021, 15:31 Gəncədə ağır qəza: ölənlər var 5 Dekabr 2021, 15:16 Gürcüstandan Ermənistana keçid qaydaları dəyişdi 5 Dekabr 2021, 15:12 Şabranda qardaş bacısını öldürdü 5 Dekabr 2021, 15:02 Federasiyadan seyf OĞURLADILAR 5 Dekabr 2021, 14:58 Göyçayda polis viruslu xəstələri saxladı 5 Dekabr 2021, 14:52 Marş "Leyptsiq"dən ayrıldı 5 Dekabr 2021, 14:44 Tanınmış şair dünyasını dəyişdi 5 Dekabr 2021, 14:35 Rusiyada koronavirus statistikası 5 Dekabr 2021, 14:23 Suriyadakı ABŞ bazasına hücum 5 Dekabr 2021, 14:15 Gəncədə "avtoş"lar saxlanıldı 5 Dekabr 2021, 14:12 Virus xəstəsi məsuliyyətə cəlb edildi 5 Dekabr 2021, 14:08 Nazir ekspertlərlə görüşdü 5 Dekabr 2021, 13:58 Türkiyədə evləri su basdı 5 Dekabr 2021, 13:51 Hindistanda atışma: ölənlər var 5 Dekabr 2021, 13:44 Avstraliya parlamenti bağlandı 5 Dekabr 2021, 13:40 Nur-sultanda xeyriyyə festivalı 5 Dekabr 2021, 13:31 Ramiz Abutalıbovun vəziyyəti AĞIRDI   5 Dekabr 2021, 13:19 İlin ən yaxşı futbol hakimi açıqlandı 5 Dekabr 2021, 13:14 Polşa sərhədçiləri rus gəmisini saxladı 5 Dekabr 2021, 13:10 85 yaşlı kişi partlayışda öldü 5 Dekabr 2021, 12:59
SORĞU Kommunal xərciniz ən çox hansı xidmətə gedir?