Ermənistanın Kotaysk vilayətinin Abovyan şəhərində mehmanxana direktoru öz əməkdaşının atasını girov götürüb.
Modern.az saytı Ermənistan KİV-nə istinadən bildirir ki, insident fevralın 15-də baş verib. Əməkdaşın mehmanxananın direktoruna külli miqdarda borcu olub. Bu səbəbdən direktor onu atası ilə birgə yanına çağıraraq pulunu tələb edib, hətta bir neçə dəfə işçini vurub. Əməkdaş pulu hiss-hissə qaytaracağına vəd verib, ancaq vədini yerinə yetirə bilməyib. Bu zaman direktor məsələni Siciliya mafiyası sayağı nizamlamaq qərarına gəlib, o, borclunun atasını oğurladıb. Nəticədə oğurlanan kişinin oğlu hüquq-mühafizə orqanlarına müraciət edib.
Özünü Siciliya mafiyası sayağı aparanın “Qış bağı” kompleksinin direktoru olduğu bildirilir.
Modern.az
