ABŞ-ın vitse-prezidenti Co Bayden Pentaqonun yeni rəhbəri Eşton Karterin andiçməsi zamanı davranışı qalmaqala səbəb olub.
Modern.az xarici KİV-ə istinadən xəbər verir ki, Karterin çıxışı zamanı yanında olan Bayden müdafiə nazirinin həyat yoldaşı Stefana Karteri yanına çağırıb. Bundan sonra qadın vitse-prezidentin qarşısında dayananda o, əllərini Stefananın çiyinlərinə qoyub. Sonra Bayden həyəcanlanan qadının qulağına nəsə pıçıldayıb, o isə cavab verib.
Müdafiə nazirinin həyat yoldaşı ilə bağlı digər məzəli hadisə Ağ evdən çıxanda baş verib. O, maşından düşərkən ayağı sürüşərək yıxılıb.
