Tanınmış şair, “Alatoran” nəşrlərinin rəhbəri Rasim Qaraca manatın devalvasiyasının kitab sektoruna vuracağı ziyandan danışıb. Modern.az xəbər verir ki, naşirin fikrincə, manatın ucuzlaşması kitab sektoruna ciddi zərbə vuracaq:
“Azərbaycan milli valyutasının 30 faiz dəyərini itirməsinin kitab sektoruna gözlənilən təsiri belədir: Xaricdən alınan çap məhsulları artıq bahalaşdığına görə kitab çapı 30 faiz bahalaşacaq, kitabların qiyməti eyni nisbətdə bahalaşacaq, kitab oxuyan gənclərin və tələbələrin sayı 30 faiz azalacaq. Dolayısı ilə cahilliyin faizi bu nisbətdə artacaq. Kitab çap etmək istəyən gənc müəlliflərin sayı 3/1 azalacaq, müstəqil mətbəələrin 1/3-i iflas edəcək. Kiçik nəşriyyatlar sıradan çıxacaq. Kitab oxumağa ayrılan ümumi vaxtın 30 faizi çörəkpulu qazanmağa sərf olunacaq. Kitab satan dükanların faizi iflas edəcək”.
Elmin NURİ
