Fevralın 24-27-də Beynəlxalq İqtisadi Əməkdaşlıq və İnkişaf Təşkilatı, NATO Parlament Assambleyası və WIP ( Qadın Parlamentarlar Təşkilatı ) birgə təşkilatçılığı ilə Fransanın paytaxtı Parisdə Daha Yaxşı Siyasət və Daha Yaxşı Həyat adı altında müxtəlif problemlərə həsr olunmuş konfrans keçirilib. Modern.az-ın məlumatına görə, konfrasda dünyanın 30 yaxın ölkəsindən 130-a yaxın millət vəkilləri və siyasətçiləri və 40-a yaxın ekspertləri, konfransı təşkil edən qurumların yüksək səviyyəli təmsilçiləri iştirak edib. Bu Konfransda Qadınların Cəmiyyətdə və İctimai həyatda Rolu mövzusunda konfrans istirakçısı, Azərbaycan Parlamentinin Millət vəkili, WIP-in Milli Parlamentlerinin koordinatorlar Şurasının üzvü , Azərbaycan Parlamentinin NATO Parlament Assambleyasındakı nümayəndə heyyətinin üzvü Məlahət İbrahimqızı çıxış edib.
Deputat Azərbaycan qadınlarının qazandıqları nailiyyətlərdən, ölkəmizdə Dövlət Qadın siyasətinin uğurlarından, Azərbaycanın Birinci Xanımı UNESCO və ISESCO-nun xoşməramlı səfiri, millət vəkili Mehriban Əliyevanın beynəlxalq səviyyədə həyata keçirdiyi layihələrdən danışıb.
Konfrans iştirakçıları Xocali faciəsinin qurbanlarına ehtiramlarini bildirərək, Məlahət xanıma Azərbaycan xalqına başsağlıqlarını çatdırmaqlarını xahiş ediblər.
Çıxış edən konfrans iştirakçıları, WIP rəhbərləri və təmsilçiləri təşkilatın bu ilin Aprel ayında Beynəlxalq Nizami Gəncəvi Fondunun dəstəyi ilə keçiriləcək konfransa və Avropa İdman Oyunlarına ev sahibliyi etmələrini yüksək qiymətləndirdiklərini bildiriblər.
