“Cənab Prezident İlham Əliyevin Qlobal Nüvə Sammiti çərçivəsində ABŞ-a səfərini çox yüksək qiymətləndirirəm. Sammit öz işinə başladığı gündən görürük ki, Azərbaycan-ABŞ münasibətlərinin yüksək səviyyədə olmasına həm ABŞ-da, həm də Azərbaycanda böyük maraq var”.
Bu sözləri Modern.az saytına açıqlamasında deputat Rövşən Rzayev deyib.
O, bildirib ki, ABŞ və Azərbaycan qarşılıqlı maraqlar platformasında münasibətləri davam etdirməlidir:
“Qarşılıqlı maraqlar istiqamətində işlərimizi davam etdirməliyik. Azərbaycanın və ABŞ-ın maraqlarının kəbs etdiyi məsələlərlə bağlı Vaşinqtonla əməkdaşlıımız artan istiqamətdə getməlidir.
R.Rzayev prezident İlham Əliyevin Barak Obama ilə görüşünün gələcək prespektivlər vəd etdiyi qənaətindədir:
“Prezident İlham Əliyevin Barak Obama ilə görüşməsi, apardıqları müzakirələr, qarşılıqlı təhlüksizlik, enerji, terrorizmlə mübarizə və digər mühüm sahələrdəki müzakirələr müsbət perspektivlər vəd edir”.
Ağa AKİFOĞLU
