Bu gün “Paris-2024” Yay Olimpiya Oyunlarına start verilib.
Modern.az xəbər verir ki, açılış oyunları futbol matçları ilə başlayır. Argentina millisi Mərakeşlə, İspaniya yığması isə Özbəkistanla üz-üzə gələcək.
Bu gün daha iki oyun keçiriləcək. Saat 21:00-da İraq–Ukrayna, saat 23:00-da isə Fransa-ABŞ yığmaları münasibətlərini aydınlaşdıracaqlar.
Qeyd edək ki, Paris Olimpiadasının rəsmi açılış mərasimi iyulun 26-da Sena çayında təşkil ediləcək.
Oyunlara avqustun 11-də bağlanış mərasimi ilə yekun vurulacaq.
