Oktyabrın 27-də Azərbaycan tərəfinin təhvil verdiyi 10 meyitdən 5-nin şəxsiyyəti artıq müəyyən edilib, qalan 5-nin yox.
Modern.az xəbər verir ki, bunu Ermənistanın səhiyyə naziri Anahit Avanesyan parlamentdə keçirdiyi brifinqdə deyib.
“Qalan cəsədlərin müayinəsi başa çatdıqdan sonra Səhiyyə Nazirliyi bu barədə məlumat verəcək”, - o əlavə edib.
44 günlük müharibədə ölən hərbçilərin cəsədlərinin identifikasiyası barədə danışan Avanesyan bu prosesin tam başa çatdığını xatırladıb.
Bundan əvvəl, oktyabrın 20-də Avanesyan jurnalistlərə bildirib ki, sentyabr döyüşləri zamanı ölən əsgərlərin meyitlərinin tanınması da başa çatıb. Onların sayı 201-dir.
