Atam Laçından məcburi köçkün düşəndə mənim indiki yaşımda olub. Bu gün də mən atamın məcburi köçkün düşdüyü yaşada onunla Laçına qayıdıram.
Modern.az AZƏRTAC-a istinadən xəbər verir ki, bu sözləri jurnalistlərə müsahibəsində Laçının azyaşlı sakini Amin Yusifli söyləyib.
Amin Laçında doğulmasa da, orada yaşamaq üçün çox həyəcanlandığını deyib: “Atamın doğma yurduna qayıtdığım üçün sevincliyəm. Bu hissləri bizə yaşadan şəhidlərimizə Allahdan rəhmət diləyirəm, yaralılara şəfa və müharibə veteranlarına isə cansağlığı arzulayıram. Biz onların sayəsində bu gün işğaldan azad olunmuş ata-baba yurdumuza qayıdırıq".
