“Yay transfer "pəncərə"si avqustun 31-də bağlanacaq. Hazırda “Qarabağ” futbol klubu heyətinə yeni futbolçuların transfer edilməsi istiqamətində danışıqlar aparılır”.
Bunu Modern.az-a açıqlamasında “Qarabağ” Futbol Klubunun mətbuat xidmətinin rəhbəri Nurlan İbrahimov deyib.
Klub rəsmisi bildirib ki, sentyabrın 12-də “Çelsi” ilə keçiriləcək oyuna qədər “Qarabağ”ın heyətinə yeni futbolçuların transfer olunacağı gözlənilir.
“Hesab edirəm ki, transfer olunacaq futbolçunun və onun komandasının adını çəkməz düzgün deyil. Çünki danışıqlar klub və futbolçu ilə fərdi qaydada həyata keçirilir. Hazırda bir neçə tanınmış futbolçu ilə danışıqlar aparılır. Danışıqlar nəticəsində asılı olaraq, “Qarabağ” heyətinə 1-2 futbolçu daxil edə bilər”.
Qeyd edək ki, C qrupunda yer alan "Qarabağ"ın ilk oyunu "Çelsi"yə qarşı olacaq. Qrupun sonuncu oyunu isə dekabrın 5-də İtaliyanın paytaxtında keçiriləcək:
12 sentyabr
"Çelsi" (İngiltərə) - "Qarabağ"
27 sentyabr
"Qarabağ" - "Roma" (İtaliya)
18 oktyabr
"Qarabağ" - "Atletiko" (İspaniya)
31 oktyabr
"Atletiko" - "Qarabağ"
12 noyabr
"Qarabağ" - "Çelsi"
5 dekabr
"Roma" - "Qarabağ"
