Ukraynadakı Azərbaycan diasporunun rəhbərlərindən biri olan və kriminal dairələrdə “Oleq Bakinski” kimi tanınan Oleq Krapivin Bakıda Baş Mütəşəkkil Cinayətkarlıqla Mübarizə İdarəsi tərəfindən həbs edilib.
Modern.az xəbər verir ki, DİN-in Mətbuat Xidmətidən məlumatı təsdiqləyiblər.
Qeyd olunub ki, “Oleq Bakinski” törətdiyi cinayət əməlinə görə həbs edilib, barəsində 3 aylıq həbs qətimkan tədbiri seçilib.
Polis əməkdaşları tərəfindən cinayət işi üzrə əməliyyat-istintaq tədbirləri davam etdirilir.
Əlavə məlumat veriləcək.
Qeyd edək ki, “Oleq Bakinski”nin həbs olunması barədə ilk məlumatı Azinforum.az saytı yayıb.
