Sabah Bakıda və Abşeron yarımadasında hava dəyişkən olacaq, arabir tutulacaq, yağmursuz keçəcək. Bakıda gecə 21-23, gündüz isə 30-32 dərəcə isti olacaq.
Modern.az xəbər verir ki, bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun mətbuat xidməti məlumat yayıb.
Proqnozlara görə, yaxın 2-3 gün ərzində havanın temperaturunda ciddi dəyişiklik olmayacaq.
Lakin həmin müddətdə rayonların bəzi yerlərində şimşək çaxacağı, yağış yağacağı gözlənilir.
Yağışın arabir leysan xarakterli intensiv olacağı proqnozlaşdırılır.
Modern.az
