Jam.az saytının baş redaktoru Fikrət Fərəməzoğlunun polis tərəfindən tutulduğu təsdiq olunub.
Modern.az-ın xəbərinə görə, bu barədə jurnalistin vəkili Nemət Kərimli məlumat verib.
Vəkil bildirib ki, iyulun 2-də Nərimanov rayon Məhkəməsində F. Fərəməzoğlu barəsində 3 ay müddətinə həbs qətimkan tədbiri seçilib.
Jurnalist Cinayət Məcəlləsinin 182-ci (hədə-qorxu ilə pul tələb etmədə) maddəsi ilə təqsirləndirilir.
Həbs olunan jurnalist Fikrət Fərəməzoğlunun Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində (Bandotdel) saxlanıldığı bildirilir.
Xatırladaq ki, Fikrət Fərəməzoğludan iyunun 30-dan bəri heç bir xəbər yox idi.
Yaxınları və dostları onun itkin düşdüyünü zənn edirdilər.
O, iyulun 1-də saxlanılıb.
Ağa AKİFOĞLU
