Varşavadakı NATO sammitində iştirak edən Ermənistan prezidenti Serj Sarkisyan Fransa prezidenti Fransua Ollandla görüşüb.
Modern.az-ın Ermənistan KİV-inə istinadən verdiyi xəbərə görə, bu barədə Ermənistan prezidentinin mətbuat xidmətindən bildiriblər.
Görüş zamanı əsas müzakirə mövzusu Dağlıq Qarabağ münaqişəsinin nizamlanması məsələsi olub.
Ermənistan və Fransa prezidentləri Vyana və Sankt-Peterburq sammitləri zamanı əldə olunmuş razılaşmaların həyata keçirilməsinin vacibliyini söyləyiblər.
Görüşdə tərəflər danışıqlar prosesinin davam etdirilməsi perspektivi ətrafında fikir mübədiləsi aparıblar.
Ağa AKİFOĞLU
