Azərbaycan Jurnalistlər Biriyinin (AJB) katibliyi yazlılı mətbuatda, teleradioda, eləcə də elektron
mediada peşəkar çıxışları ilə diqqət çəkən bir qrup jurnalisti 2016 - cı il üçün Həsən
bəy Zərdabi mükafatı ilə təltif edib.
AJB-dən Modern.az-a bildirilib ki, Həsən bəy Zərdabi mükafatı bu il aşağıdakı şəxslərə verilib:
Ülkər Əliyeva (sənətşünas, professor) mədəniyyət sahəsində elmi araşdırmalarına görə;
İrina Kalaşnikova (“Novosti Qyandji” qəzeti), region mətbuatının inkişafındakı
xidmətlərinə görə;
Zöhrə Əsgərova (publisist) “Tarixi yaddaş və qondarma əhvalatlar” kitabına görə;
Sadiq Gözəlov (DİN Mətbuat xidməti) ictimaiyyət və mətbuatla əlaqələrin qurulmasındakı
fəaliyyətinə görə;
Ələsgər Məmmədli (hüquq müdafiəçisi) media hüququ sahəsində
araşdırmalarına və jurnalist hüquqlarının ardıcıl müdafiəsinə görə;
Rəşad Məmmədov (Şəki TV) region televiziyasının inkişafına verdiyi dəstəyə görə;
Xatirə Rəhimli (hərbi jurnalist) döyüş bölgələrindən hazırladığı reportaj və məqalələrinə görə.
Mükafatçılar sırasında həmçinin, köşə yazıları ilə tanınan Zümrüd Yağmur (“Azadlıq” qəzeti),
tamaşaçıların ANS - in efirində izlədikləri “Beş barmaq” proqramının müəllifi və
aparıcısı Ülvira Qarayeva,estetik zövqün formalaşması və təbliğində fəallığı ilə seçilən
“Fashion Passage”jurnalınınredaktoru Nərminə Ağası, sosial - iqtisadi mövzuda silsilə
məqalələrin müəllifi olan “Xalq qəzeti”nin əməkdaşı Vaqif Bayramov, uğurlu radio layihəsinə
görə “Media FM” radiosunun təsisçisi Tural Əliyev də var.
