Sabah UEFA Çempionlar Liqası çərçivəsində “Barselona” öz meydanında “Borussia Dortmund”u qəbul edəcək.
Modern.az xəbər verir ki, bu qarşılaşma “Barsa”nın kapitanı Lionel Messi üçün əlamətdar ola bilər. Belə ki, əgər Messi “Dortmund”a qarşı oyunda iştirak etsə, bu onun “Barselona” forması ilə 700-cü oyunu olacaq. Bu mənada o, yalnız Xavidən (767) geri qalacaq.
Qeyd edək ki, Messi 699 oyunda 612 qol vurub, 235 məhsuldar ötürmə edib.
T.İSMAYIL