Mənəvi Dəyərlərin Təbliği Fondunun(MDTF) maliyyə dəstəyi və “Zəfər” Şəhid Ailələrinə Dəstək İctimai Birliyinin təşəbbüsü ilə “Yenilməzsən Azərbaycan” layihəsi əsasında klip hazırlanıb.
Modern.az xəbər verir ki, layihənin sözləri və musiqisi Şəhid polkovnik-leytenant pilot Rəşad Atakişiyevin həyat yoldaşı sənətşünaslıq üzrə fəlsəfə doktoru Könül xanım Hüseynovaya məxsusdur.
Musiqi kompozisiyasını Azərbaycan Respublikasının xalq artistləri Fidan Hacıyeva və Samir Cəfərov ifa etmişlər. Layihənin ekran işi tanınmış rejisor Ülviyyə xanım Könülə məxsusdur.
