"Püşkatmadan sonra demişdim ki, komandama güvənirəm və düşünürəm ki, oyun stilimizdə inkişaf var. Düşünürəm ki, bərabər oyun olacaq".
Modern.az xəbər verir ki, bunu "Barselona" komandasının baş məşqçisi Ronald Kuman PSJ ilə oyun öncəsi keçirdiyi mətbuat konfransında bildirib.
"Heç bir şeydən qorxmuram, çünki komandama tam güvənirəm və eyni zamanda da rəqibə hörmət edirəm. Oyuna hakim olmağa çalışacağıq. Hər komandanın üstün və mənfi cəhətləri var və biz də rəqibin zəif tərəflərinə köklənəcəyik.
Fiziki cəhətdən komanda yaxşılaşıb. Komandaya gələndən bu mənada böyük inkişaf görürəm. Uşaqlar əla iş görüblər", - deyə Kuman bildirib.
Qeyd edək ki, bu gün UEFA Çempionlar Liqasının səkkizdə bir final mərhələsində "Barselona" öz meydanında PSJ-ni qəbul edəcək.
T.İSMAYIL
