Bu il məktəbəhazırlıq qruplarına qeydiyyat yay aylarında başlayacaq.
Modern.az xəbər verir ki, bu barədə Təhsil Nazirliyinin Ümumi təhsilin təşkili və idarə olunması şöbəsinin müdir müavini Orxan Abbasov bildirib. O qeyd edib ki, bununla belə, məktəbəhazırlıq qruplarına qeydiyyat tarixi hələ dəqiqləşməyib:
“Qeydiyyatın yay aylarında, iyun-iyulda olması gözlənilir. Lakin pandemiya şəraiti və digər səbəblərlə əlaqəli proses uzadıla və ya əvvələ çəkilə bilər. Fəaliyyət planı üzrə dəqiq qrafik müəyyən olunduqda ictimaiyyətə açıqlanacaq”.
