Dünya çempionatının ilk 17 günündə Qətərə 765 mindən çox ziyarətçi gəlib. Onların yarıdan çoxu artıq ölkəni tərk edib.
Modern.az xəbər verir ki, bu barədə "Reuters" agentliyi turnirin təşkilatçılarının hesabatına istinadən məlumat yayıb.
Hesabatda dünya çempionatının oyunları üçün 3,09 milyon biletin satıldığı qeyd olunub. Məlumata görə, turnirin 52 oyununun yekununda ümumi tamaşaçı sayı 2,65 milyon nəfər olub.
Bu günədək mundialda 56 oyun keçirilib. Dekabrın 9-da turnirin ilk 1/4 final görüşləri baş tutacaq - hollandlar argentinalılara, xorvatlar isə braziliyalılara qarşı oynayacaq. Dekabrın 10-da İngiltərə - Fransa və Mərakeş- Portuqaliya komandalarının 1/4 final mərhələsinin oyunları keçiriləcək.
