İranda molla rejiminin edam etdiyi gənc fəal Mohsen Şekarinin ölümü və digər cinayətlərə görə, rejim əleyhinə etiraz edən əhali Tehranın Səttarxan küçəsinə axışıb.
Modern.az xəbər verir ki, bu barədə “Azad İran” teleqram kanalı məlumat yayıb.
Məlumata görə, etirazçı sakinlərin əsas şüarları “Xamenei qatildir, biz hamımız Mohsen Şekariyik! İllər boyu cinayət, ölüm olsun belə rəhbərə! Cəllad Xamenei, səni torpağa basdırarıq! Ölüm olsun Xameneiyə!” və s. olub.
Onlar İran hakimiyyətini günahsız insanları qətlə yetirməkdə ittiham edərək, ölkədə ədalətin bərqərar olunması uğrunda mübarizə aparacaqlarını bildiriblər.
