2022-ci ildə vəzifə borcunu yerinə yetirərkən həlak olan jurnalistlərin sayı artıb.
Modern.az xəbər verir ki, bu barədə Beynəlxalq Jurnalistlər Federasiyası (IFJ) illik hesabatını açıqlayıb.
Hesabatda bildirilib ki, ölümlərə əsasən Ukraynada müharibə, Haitidə xaos və Meksikada cinayətkar dəstələrin zorakılığının artması səbəb olub.
Məlumata görə, ilin əvvəlindən bugünədək dünyada 67 jurnalist və media işçisi ölüb. Keçən il bu rəqəm 47 olub. Bu il jurnalistlərdən 12-si Ukraynada gedən müharibədə həyatını itirib.
