Bu gün Moldovanın sədrliyi ilə GUAM Xarici İşlər Nazirləri Şurasının 40-cı iclası keçirilib.
Modern.az xəbər verir ki, bu barədə təşkilatın saytında məlumat paylaşılıb. Qeyd olunub ki, videokonfrans formatında keçirilən iclasda GUAM çərçivəsində siyasi əlaqələr, parlamentlərarası, həmçinin sektorial əməkdaşlığa dair müzakirələr aparılıb. İclasda tərəfdaş ölkələr və beynəlxalq təşkilatlarla əməkdaşlıq məsələləri də müzakirə olunub.
Şura Demokratiya və İqtisadi İnkişaf Təşkilatı - GUAM-a sədrliyin Ukraynaya ötürülməsi barədə qərar qəbul edib.
Həmçinin, Moldovanın sədrliyi dövründəki fəaliyyəti təqdir edilib.
