ATV telekanalının “Son xəbər” proqramının əməkdaşı, jurnalist Elvin Basqallı iş yerini dəyişib. Modern.az-ın məlumatına görə, jurnalist ATV-ni tərk edərək son günlər mətbuatda qalmaqallı xəbərlə gündəmdə olan "Space" telekanalına keçib. Jurnalist "Space" TV-də “Hər Gün” informasiya proqramını aparacaq:
“8 illik jurnalistika fəaliyyətimdə ilk dəfə qarşınıza xəbər aparıcısı kimi çıxacam. Sizə canlı efirdə, Space-də, "Hər gün" informasiya proqramının əsas buraxılışını təqdim edəcəm. İzləməyi unutmayın. Şərhlərinizi efirdən sonra oxuyacam”-deyə jurnalist bildirib.
Qeyd edək ki, Elvin Basqallı bundan öncə ANS TV-nin “İç xəbər” proqramında çalışıb.
Modern.az
